زووباقتاعىلاردىڭ ايتۋىنشا, كىشكەنتاي ايۋلاردىڭ اناسى گەردانىڭ دەنساۋلىعى جاقسى. ول وسىمەن ءۇشىنشى رەت ومىرگە قونجىق اكەلىپ وتىر ەكەن.
- گەردا بۇعان دەيىن 2017 جانە 2021 جىلى تولدەپ, بارشامىزدى قۋانتقان بولاتىن. ول كەزدە ولارعا ءبىزدىڭ پاراقشامىزعا جازىلعان وزدەرىڭىز ات قويعان بولاتىنسىزدار. جاڭا تۋعان قونجىقتار ازىرگە اناسىنىڭ قاسىندا. قونجىقتار جارتى جىلعا دەيىن اناسىنىڭ سۇتىمەن قورەكتەنەدى, - دەلىنگەن زووباق مالىمەتىندە.
قازىر گەرداعا لايىقتى مولشەردە ازىق بەرىلۋدە. ونىڭ سۇيىكتى قورەگىنىڭ ىشىندە – جەمىس-جيدەك, ەت, بالىق, بوتقا, نان, جارما, ءتۇرلى ۆيتاميندەر بار. قازىرگى ۋاقىتتا گەردا قونجىقتارىمەن بىرگە ءوزىنىڭ اپان-ۇيشىگىندە. ول كىشكەنتاي ايۋلاردى قىزمەتكەرلەرگە دە كورسەتكىسى كەلمەي, باۋىرىنا باسۋدا.
ايتا كەتەيىك, ازىرگە قونجىقتاردىڭ جىنىسى انىقتالماعان. جىنىسى انىقتالعان سوڭ ولارعا ات قويۋعا بايقاۋ جاريالاناتىن بولادى.
