وسى باعىتتا عالىمدار ءبىر جىل زەرتتەۋ جۇمىستارىن جۇرگىزگەن. ولار ءارتۇرلى وتكىزگىش پوليمەر نانوقۇرىلىمدارىن, سونىڭ ىشىندە قۋىس سفەرالاردى, نانوكەسەلەردى, نانوكەسەلەردەن قۇرالعان 2D پاراقتارىن, 3D جانە ولاردىڭ كومپوزيتتەرىن جاساۋ ءۇشىن قاراپايىم سينتەز ءتاسىلى ارقىلى جۇزەگە اسىردى. انيلين تۋىندى مونومەرىن پوليمەرلەۋگە ارنالعان رەاكتسيا جاعدايىنداعى وزگەرىستەر (رن, مونومەر جانە توتىقتىرعىش كونتسەنتراتسياسى) جوعارىدا اتالعان نانوقۇرىلىمداردىڭ پايدا بولۋىنا اكەلەدى.
پوليمەرلەردىڭ بۇل تۇرلەرى توق وتكىزگىش جابىسقاق تاسپالار, مەديتسينالىق بينتتەر جانە روبوتتىق قولدارعا ارنالعان قايتىمدى بەتتەرگە قولدانۋعا جارامدى. سونداي-اق نانوكەسەلەر مەن قۋىس سفەرالاردى ەلەكترلىك ستيمۋل ارقىلى ىسكە قوسۋعا بولاتىن ءدارى تاسىعىش رەتىندە پايدالانادى.
پوليمەرلەنۋدىڭ كينەتيكالىق باقىلاۋ ارقىلى دنق وريگاميدەن باستاپ, گەككوننان اسەرلەنگەن نانوقۇرىلىمعا دەيىن دارىلىك زاتتاردى جەتكىزۋدە, ەنەرگيا ساقتاۋدا جانە جابىسقاق ماتەريال رەتىندە قولدانۋعا بولاتىن وتكىزگىش پوليمەرلەردىڭ بۇرىن-سوڭدى بولماعان نانوقۇرىلىمدارىن جاساۋعا بولادى. مىسالى, بۇل گەككون ساۋساقتارىنىڭ شاشتارىنا ۇقساس جابىسقاقتىعىن (شامامەن 8 ن/سم2) كورسەتە الاتىن ءبىرىنشى وتكىزگىش پوليمەرلى ماتەريال.
بۇل عىلىمي جوبا بويىنشا زەرتتەۋ جۇمىسى ءالى دە جالعاسادى. اسىرەسە ەلەكترلىك ستيمۋل ارقىلى جابىسقاقتىقتى باسقارۋ بويىنشا زەرتتەۋگە ماڭىز بەرىلىپ وتىر.
