قوسىمشا قۋات كوزى

ۆانادي اككۋمۋلياتورلارى – ەنەرگيا ساقتاۋ قويمالارى رەتىندە ەكولوگيالىق تازا جانە تۇراقتى ەنەرگيامەن قامتاماسىز ەتەتىن قۇرىلعى. كەز كەلگەن ەلەكتر قۋاتىنىڭ ءۇزىلۋى كەزىندە ولاردى قوسىمشا قۋات كوزى رەتىندە پايدالانۋعا بولادى. سونداي-اق ول تۇراقتى جانە مىقتى ەلەكتر جەلىسى جوق جەرلەردى ەلەكتر كوزىمەن قامتاماسىز ەتۋگە كەپىلدىك بەرەدى.

الىنعان ناتيجەلەرگە قاراي, الداعى ۋاقىتتا ۆانادي اككۋمۋلياتورلارى ءوندىرىسىن كەشەندى تۇردە قولعا الۋ جوسپارلانىپ وتىر. سەبەبى كۇن مەن جەل ەنەرگياسىن بىرلەسىپ پايدالانۋ جاڭارتىلاتىن ەنەرگيا كوزدەرىنىڭ ەكونوميكالىق تيىمدىلىگىن ونداعان ەسە ارتتىرادى, جوعارى دەڭگەيلى ەكولوگيالىق قاۋىپسىزدىكتى قامتاماسىز ەتەدى.

قازىر الەمدىك تاجىريبەدە توتىعۋ-توتىق­سىز­دان­دىراتىن باتارەيالار ءۇشىن ۆانادي ەلەكتروليتتەرىن ءوندىرۋ قارقىنداپ دامىپ جاتىر. ويتكەنى ۆانادي اككۋمۋلياتورى – ماڭگىلىك ەنەرگيا قويماسى رەتىندە جۇمىس ىستەيدى. ال ونىڭ جۇمىس تەمپەراتۋراسىنىڭ دياپازونى 10-40 گرادۋس ارالىعىندا جۇرەدى.

بەكزات قۇلشار,

ل.ن.گۋميلەۆ اتىنداعى ەۇۋ ستۋدەنتى