2025 جىلدىڭ قورىتىندىسى بويىنشا ەلىمىزدە 36 مىڭنان استام جول-كولىك وقيعاسى تىركەلگەن. بۇل وتكەن جىلمەن سالىستىرعاندا – 14,4%-عا كوپ.
دەنساۋلىق ساقتاۋ مينيسترلىگىنىڭ مالىمەتىنشە, جكو مەن زارداپ شەككەندەر سانىنىڭ وسۋىنە قاراماستان ءولىم دەڭگەيىنىڭ تومەندەۋى بايقالىپ وتىر. ءولىم كورسەتكىشى 2024 جىلمەن سالىستىرعاندا – 9,7%-عا ازايعان.
سولتۇستىك قازاقستان وبلىسىندا سوڭعى ەكى ايدا جول اپاتىنان 10 ادام قازا تاپتى
جول-كولىك وقيعالارىنىڭ ۇشتەن ءبىرى الماتى قالاسى (8954) مەن الماتى وبلىسىندا (5987) تىركەلگەن. وڭىرلەر بويىنشا جامبىل وبلىسى (3276), اقتوبە وبلىسى (3053) جانە اتىراۋ وبلىسى (2785) جول كولىك وقيعاسى بولعان.
جەدەل مەديتسينالىق جاردەم قىزمەتىنىڭ دەرەكتەرى بويىنشا جاراقاتتار بويىنشا تۇسكەن شامامەن 796 مىڭ شاقىرتۋدىڭ 44 مىڭى جول-كولىك وقيعالارىمەن بايلانىستى.
الماتىداعى جانتۇرشىگەرلىك جول اپاتى: پوليتسيا باسشىلارى قىزمەتىنەن بوساتىلدى
جەدەل جاردەم بريگادالارىنىڭ كەلۋىنىڭ ورتاشا ۋاقىتى حالىقارالىق ۇسىنىمدارعا سايكەس كەلەدى جانە قالادا شامامەن 8 مينۋتتى, اۋىلدىق جەرلەردە 9 مينۋتتى قۇرايدى.
اقتوبەدە جۇكتى ايەل مىنگەن جەدەل جاردەم كولىگى جول اپاتىنا ۇشىرادى
«التىن ساعات» قاعيداتى شەڭبەرىندە زارداپ شەككەندەر 34 مينۋتتىڭ ىشىندە مەديتسينالىق ۇيىمدارعا جەتكىزىلەدى. بۇل ءولىم دەڭگەيىن تومەندەتۋدە جانە جاراقات سالدارىنىڭ اۋىرلىعىن ازايتۋدا شەشۋشى ءرول اتقارادى.
