اتالعان جارىستا قازاق ەلى نامىسىن سۇلتان قوجاحمەتوۆ, ساماجان كەتتەبەكوۆ, ماكسيم روجكوۆ, امانگەلدى ناۋرىزعاليەۆ, مەيىرمان پەرنەەۆ, ۆيكتور ماكسيمەنكو قورعادى. ءبىزدىڭ جىگىتتەر يتاليا, گەرمانيا, سەربيانى ۇتىپ, ۋكراينا جانە پولشامەن تەڭ وينادى. ال حورۆاتيا قۇراماسى الدىمىزدى وراپ كەتتى. ناتيجەسىندە, جەرلەستەرىمىز ءۇشىنشى ورىندى يەلەنسە, التىن مەن كۇمىس مەدالدى حورۆاتتار مەن پولياكتار ولجالادى. بارلىعى بۇل جارىستا 13 كوماندا باق سىنادى.
ەستەرىڭىزگە سالا كەتەيىك, ەستۋ قابىلەتى ناشار جاندار اراسىنداعى ءدۇبىرلى دودا 2-12 ناۋرىز ارالىعىندا ءوتتى. بۇل جارىستا شاحمات, شاڭعى جانە سنوۋبوردتان قازاقستاننىڭ 26 سپورتشىسى سايىسقا ءتۇستى.
