فوتو: egov.kz
الماتى قالاسىنىڭ قالا قۇرىلىسىن باقىلاۋ باسقارماسى جشس-ءنىڭ ۇستىنەن نىساندى ءوز بەتىنشە سالعان قۇرىلىس دەپ تانۋ, جاۋاپكەردىڭ قاراجاتى ەسەبىنەن اۆتوگازىن تولتىرۋ ستانساسىن بۇزۋ تۋرالى تالاپ قويۋمەن سوتقا جۇگىنگەن.
ءبىرىنشى ساتىداعى سوت نىساندى رۇقساتسىز سالىنعان قۇرىلىس دەپ تانۋ تالاپتارى بولىگىندە ءىس جۇرگىزۋدى توقتاتقان. ويتكەنى زاڭدا مۇنداي مازمۇنداعى تالاپ قويۋلاردى قاراۋ كوزدەلمەگەن.
تالاپ قويۋدىڭ قالعان بولىگىن قاناعاتتاندىرا وتىرىپ, سوت سەرىكتەستىك اك-نىڭ 244-بابىنىڭ 1-تارماعىنا سايكەس رۇقسات ەتىلمەگەن قۇرىلىسقا قاتىستى عيمارات قۇرىلىسىنىڭ زاڭدىلىعىن راستايتىن دالەلدەمەلەردى ۇسىنباعانىن نەگىزگە العان.
سونىمەن قاتار سوت تالاپ قويۋشىعا جانە قالالىق جوسپارلاۋ جانە ۋربانيستيكا باسقارماسىنا قاتىستى مەملەكەتتىك ساۋلەت-قۇرىلىس باقىلاۋى سالاسىندا وزدەرىنە جۇكتەلگەن فۋنكتسيالاردى تيىسىنشە ورىنداماۋىنا بايلانىستى جەكە ۇيعارىم شىعارعان.
اپەللياتسيالىق ساتىداعى سوت سوتتىڭ قورىتىندىلارىمەن جانە قابىلدانعان سوت شەشىمدەرىمەن كەلىسكەن. ال جوعارعى سوت سوت شەشىمدەرىنىڭ كۇشىن جويىپ, تالاپ قويۋدى قاناعاتتاندىرۋسىز قالدىرعان. وسىلايشا «اليانس-گاز» جشس-ءنىڭ ءوتىنىشحاتى قاناعاتتاندىرىلدى. بۇل جشس 2016 جىلعى 9 جەلتوقسانداعى ساتىپ الۋ-ساتۋ شارتى نەگىزىندە جانارماي قۇيۋ ستانتسياسىنىڭ يەسى. قالا قۇرىلىسىن باقىلاۋ باسقارماسى تاراپىنان 2019 جىلدىڭ قىركۇيەگىندە جۇرگىزىلگەن تەكسەرۋ بارىسىندا جشس قولدانىستاعى جانار-جاعارماي قۇيۋ ستانتسياسىنىڭ عيماراتىندا قايتا جوندەۋ جۇمىستارىن جۇرگىزگەن.
الايدا باقىلاۋشى ورگان رۇقسات ەتىلمەگەن قۇرىلىس رەتىندە عيماراتتى تۇگەلدەي سوت ارقىلى بۇزۋدى تالاپ ەتكەن. جشس-دا قۇقىق بەلگىلەيتىن قۇجاتتار بولعاندىقتان ۇي-جايلار بۇزىلمايتىن بولدى.
سەرىكتەستىك 600 مىڭنان استام سوماعا ايىپپۇل تۇرىندەگى اكىمشىلىك جاۋاپكەرشىلىككە تارتىلدى.
ءىستى قاراۋ كەزىندە توراعالىق ەتۋشى ن.ك.ءشارىپوۆ جشس اتالعان جەر تەلىمىنىڭ يەسى ەكەنىن اتاپ ءوتتى. 1999 جىلدان بەرى جۇمىس ىستەپ تۇرعان جانار-جاعارماي قۇيۋ بەكەتى ءوز شەگىنەن شىقپاعان.
