فوتو: ا.بايجۇمانوۆ
بيبىگۇل جەكسەنباي كەزدەسۋ بارىسىندا دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرى بويىنشا, ادام ءولىمىنىڭ 60%-ى قاۋىپتى قوسپامەن دايىندالعان ساپاسىز تاعامنان تۋىنداپ وتىرعانىن اتاپ ءوتتى.
«باستى ماسەلە شەتەلدەن كەلەتىن زياندى تاعامداردىڭ شەكارامىزدان ءوتىپ كەتۋى. قازاقستاننىڭ زاڭىنا سايكەس تاۋاردىڭ سىرتىندا قازاق نەمەسە ورىس تىلىندە اۋدارمالارى بولۋى شارت ءارى مىندەت. بىراق ءبىزدىڭ تۇسىنبەي وتىرعانىمىز سىرتتان كەلەتىن «قوقىس» تاعامنىڭ سىرتىندا بىردە-ءبىر مەملەكەتتىك نەمەسە رەسمي تىلدە اۋدارمانىڭ جوقتىعى. ونى ەلىمىزدىڭ مەكتەپ وقۋشىلارىنىڭ قولىن سوزعان جەردە الۋى الاڭداتىپ وتىر», دەدى بيبىگۇل جەكسەنباي.
دەنساۋلىق ساقتاۋ مينيسترلىگىنىڭ وكىلى ءوز كەزەگىندە جۇقپالى ەمەس اۋرۋلاردىڭ الدىن الۋ جانە ازاماتتار مەن وسكەلەڭ ۇرپاقتىڭ دەنساۋلىعىن ساقتاۋ جانە نىعايتۋ جونىندەگى شارالاردى ىسكە اسىرۋ سالا قىزمەتىنىڭ نەگىزگى باعىتى بولىپ تابىلاتىنىن اتاپ ءوتتى. وقۋشىلاردىڭ دۇرىس تاماقتانۋىن ۇيىمداستىرۋعا قاجەتتى قۇقىقتىق بازا سول ءۇشىن جاسالدى. وقۋشىلاردى ۆيتاميندەر مەن مينەرالدارمەن بايىتىلعان ونىمدەردى قوسىپ تاماقتاندىرۋ جونىندەگى بىرىڭعاي ستاندارت بويىنشا ادىستەمەلىك ۇسىنىستار ازىرلەندى.
