«ەلىمىزدەگى بارشا مۇسىلمان قاۋىمدى قاسيەتتى رامازان ايىنىڭ باستالۋىمەن شىن جۇرەكتەن قۇتتىقتايمىن!
بۇل – ادامزاتتى ىزگىلىككە ۇندەيتىن, سابىرلىققا شاقىراتىن جانە مەيىرىمگە باستايتىن اي. وسى وتىز كۇندە كەشىرىمدى بولۋ, قايىرىمدىلىق تانىتۋ, مۇقتاج جاندارعا كومەك قولىن سوزۋ سياقتى يگىلىكتى ىستەرگە باسا ءمان بەرىلەدى.
رۋحاني كەمەلدەنۋگە جول اشاتىن بۇل ايدا تاتۋلىق پەن بىرلىكتىڭ, ىرىس پەن ىنتىماقتىڭ جانە تىنىشتىق پەن تۇراقتىلىقتىڭ دا قادىرى ارتا تۇسەدى. مۇنىڭ ءبارى ورازانىڭ ءمانى مەن ماڭىزىن ايشىقتايتىن قۇندىلىقتار ەكەنى انىق.
قاسيەتتى ايدىڭ كەلۋىمەن قۇتتىقتاي وتىرىپ, ءار وتباسىنا شاتتىق, بەرەكە جانە اماندىق تىلەيمىن!
ورازا قابىل بولسىن!», دەپ جازدى ماۋلەن اشىمباەۆ.
