ەرجان اشىقباەۆ قازىرگى گەوساياسي احۋال جاھاندىق دەرجاۆالار اراسىنداعى باسەكەلەستىكپەن سيپاتتالاتىنىن, بۇل «جاھاندىق وڭتۇستىك» ەلدەرىمەن جانە «ورتا دەرجاۆالار» دەپ اتالاتىن تاسىلدەر مەن ءوزارا ءىس-قيمىلدان كورىنەتىنىن ءمالىم ەتتى. وسىعان بايلانىستى قازاقستان ەلشىسى ءوزىن حالىقارالىق ارىپتەستەرمەن ءوزارا ءىس-قيمىلدىڭ ءتيىمدى تەتىگى رەتىندە اقتاعان كوپۆەكتورلى ساياساتقا قاتىستى ستراتەگيالىق مىندەتتەمەگە توقتالدى. استانا باتىس پەن شىعىس اراسىنداعى كوپىر بولا وتىرىپ, ۇلتتىق مۇددەلەر نەگىزىندە بارلىق جاھاندىق ويىنشىلارمەن پراگماتيكالىق جانە ءوزارا ءتيىمدى قارىم-قاتىناس ورناتادى. وسى تۇرعىدا ەرجان اشىقباەۆ اقش-پەن سيرەك مينەرالدار, اۋىل شارۋاشىلىعى, IT تەحنولوگيالار ت.ب. سالالاردا كەڭەيتىلگەن ستراتەگيالىق ارىپتەستىكتى ارتتىرۋ پەرسپەكتيۆالارىنا نازار اۋداردى.
باسقوسۋ بارىسىندا دانيەل رۋندە قازاقستاننىڭ سىندارلى سىرتقى ساياساتى مەن حالىقارالىق ارەناداعى ءرولىن جوعارى باعالادى. سونىمەن قاتار CSIS وكىلى تاۋەلسىزدىك العاننان بەرى ەلدىڭ جوعارى ءوسۋى مەن دامۋ قارقىنىن اتاپ ءوتتى.
امەريكالىق ساراپشىنىڭ پىكىرىنشە, اقش سيرەك كەزدەسەتىن مەتالدار, ساۋدا جانە ەنەرگەتيكا سالالارىن قوسا العاندا, كەڭ اۋقىمدى ماسەلەلەر بويىنشا قازاقستانمەن قارىم-قاتىناستى تەرەڭدەتۋگە ءتيىس.
ءىس-شارا سوڭىندا قاتىسۋشىلار بارلىق ەلدىڭ مۇددەسىن ساقتاۋ قاجەتتىگىن اتاپ ءوتتى, بۇل حالىقارالىق ارەنادا تەڭدەستىرىلگەن قارىم-قاتىناس ورناتۋدىڭ نەگىزگى اسپەكتىسى بولىپ سانالادى.
