قالالىق دەنساۋلىق ساقتاۋ باسقارماسىنان مالىمدەگەندەي, ەكى زەينەتكەر ورتالىق قالالىق كلينيكالىق اۋرۋحاناعا بىردەي دياگنوزبەن جۇگىنگەن. ياعني, ج ۇلىن كانالىنداعى جۇيكە ءتىنىنىڭ ىسىگى.
ناۋقاستاردىڭ ايتۋىنشا, ولار جاسىنا جانە باسقا دا ىلەسپە اۋرۋلارىنا بايلانىستى وتا جاساتۋعا قورقىپ, ەمشىلەردەن شيپا ىزدەگەن. بىراق جاعدايى ناشارلاپ, دارىگەرگە كەلگەن.
«وتانىڭ قيىندىعى — ىسىكتىڭ ج ۇلىننىڭ سىرتىندا ەمەس ىشىندە ورنالاسۋىندا بولدى. ج ۇلىننىڭ وزىنە زاقىم كەلتىرۋ قاۋپى جوعارى ەدى. قۇدايعا شۇكىر, ەكى وپەراتسيا دا ءساتتى ءوتتى جانە ارقايسى شامامەن 3,5 ساعاتقا سوزىلدى. بۇل وتالاردى جاساۋ بارىسىندا ءبىز ءوز قوزعالىسىمىزدى باقىلاۋ جانە ج ۇلىننىڭ ساۋ بولىكتەرىنىڭ زاقىمدانۋىن بولدىرماۋ ءۇشىن نەيرومونيتورلار مەن نەيروناۆيگاتسيالىق جۇيەنى قولداندىق», دەيدى وقكا نەيروحيرۋرگيا ءبولىمىنىڭ مەڭگەرۋشىسى مارات الماتوۆ.
وتادان كەيىنگى كەزەڭدە ناۋقاستار ستاتسيوناردا وڭالتۋدان ءوتتى, ناتيجەسىندە 12 كۇن ىشىندە اياقتىڭ نەۆرولوگيالىق بۇزىلىسىنىڭ رەگرەسسياسى 80%-عا دەيىن جەتتى.
