“جيىرما ءبىر كۇن ىشىندە ورىندالادى”

“ەگەمەن قازاقستان” گازەتىنىڭ 2010 جىلعى 5 مامىرداعى №170-172 سانىندا ن.تەمىرباەۆانىڭ “بارار جەر, باسار تاۋىم قالمادى” دەگەن حاتى جاريالانعان بولاتىن. وسى حاتقا بايلانىستى قازاقستان رەسپۋبليكاسى جوعارعى سوتى جانىن­داعى سوت اكىمشىلىگى كوميتەتىنىڭ توراعاسى گ.كيم­نەن تومەندەگىدەي ماتىندە جاۋاپ حات كەلدى. وندا: “2010 جىلعى 7 مامىرداعى جامبىل وبلىسى, شۋ اۋداندىق سوتىنىڭ بورىشكەر س.دوسكەەۆتى ىزدەستىرۋ جونىندەگى ۇيعارىمىنا سايكەس, جامبىل وبلىستىق كوشى-قون پوليتسياسى بورىشكەر س.دوسكەەۆتى ىزدەستىرۋدە. وسى ۇيعارىمنىڭ ورىندالۋى شۋ اۋداندىق ىشكى ىستەر باسقارماسىنا جۇكتەلگەن. كوميتەت تارا­پىنان بورىشكەر س.دوسكەەۆتىڭ تۇرعىلىقتى مەكەن-جايى انىقتالعان جاعدايدا جامبىل وبلىسىنىڭ سوتتار اكىمشىسى تىركەۋ مەكەمەلەرىنەن جىلجيتىن جانە جىلجىمايتىن م ۇلىكتەرى مەن ەكىنشى دارەجەلىك بانكتەردە ەسەپ-شوتىنىڭ بار-جوعى تەكسەرىلىپ, مەملەكەتتىك زەينەتاقى قورىنان انىقتاما الۋ ارقىلى سوت شەشىمىن ورىنداۋ جونىندە تاپسىرما بەرىلدى. بۇعان بايلانىستى ءىس-شارالار 21 جۇمىس كۇنىنىڭ ىشىندە جۇزەگە اسىرىلۋ مىندەتتەلدى. سونىمەن قاتار, تالاپكەر ن.تەمىرباەۆاعا وسى ماسەلەگە قاتىستى قابىلدانعان شارالار بويىنشا جانە ءمان-جايدىڭ تولىق انىقتالىپ, سوت شەشىمىنىڭ ناقتى ورىندالۋىنا ىقپال ەتۋى ءۇشىن توراعانىڭ قا­بىل­داۋىنا كەلۋى تۋرالى حات جولداندى” دەلىنگەن. ەلدىك, ەگەمەندىك بەلگىسى ءوز ورنىن تاپتى فاريدا بىقاي. گازەتىمىزدىڭ بۇدان بۇرىنعى سان­دارىنىڭ بىرىندە ءبىز وبلىس كولە­مىن­دە شىعاتىن وبلىستىق جانە اۋدان­دىق گازەتتەردىڭ ەگەمەن ەلدىڭ ءتىرلى­گىنە ساي باسىلىم بەتتەرىندە ءتول بەل­گىلەرىن انىقتاي الماي “ادا­سىڭقىراپ” وتىر­عاندىعىن جازعان بولاتىنبىز. ەكى وبلىستىق باسىلىم – ءبىرى “سارىارقا سامالى”, ەكىنشىسى “زۆەزدا پرير­تى­شيا” گازەتتەرى ماڭدايشا بەتىنە سسسر دەگەن جازۋى بار “قۇرمەت بەلگىسى” ور­دەنىن “تاعىپ قويىپ” بىرنەشە جىل بويى شىعىپ كەلىپ ەدى. بىلاي قارا­عان­دا, كورگەن كوزگە ءبىرتۇرلى ەرسى كورىنەتىن. وتكەن ءوتتى. بۇرالاڭدى تاريح جول­دارى كىمگە وكپەلەيتىندەي ەندى. ءبىز­دىڭ ەلىمىزدىڭ دە ءوزىنىڭ ءتول مارا­پات بەل­گىلەرى ومىرگە كەلدى. ءتىپتى, “يزۆەستيا” گازە­تىنىڭ ءوزى سول ءبىر جىلدارى العان سسسر دەگەن جازۋى بار بەس-التى وردەنىن جاي عانا ەلەۋ­سىز عىپ, سوڭعى بەتتىڭ مەكەن-جايى جازىلاتىن جەرىنە تيتتەي ەتىپ قويا سالعانىن دا جازعان ەدىك. جۋىردا ءبىزدىڭ وبلىستىق گازەتتەگى بۇل “ما­راپات” تومەنگە ءتۇسىپ, العاشقى بەتتەن ەلىمىزدىڭ ەلتاڭباسى ورىن الدى. ەندى اۋداندىق گازەتتەر دە تىڭ يگەرۋ كەزىندەگى “زاريا”, “تريبۋنا”, “نيۆا” سياقتى اتاۋلارىن ەلدىك, ەگەمەندىك ماقساتقا ساي وزگەرتىپ ءبىر جونگە كەلتىرەر دەپ ويلايمىز. پاۆلودار. لاۋرەات ۇستازعا ارنالعان كەش وڭداسىن ەلۋباي. كسرو مەملەكەتتىك سىيلى­عىنىڭ لاۋرەاتى, اتاقتى ۇستاز, وسكەمەندەگى جامبىل اتىنداعى دارىندى بالالارعا ار­­نال­عان مەكتەپ-گيمنازيانىڭ قازاق ءتىلى مەن ادەبيەتى ءپانىنىڭ ۇستازى قا­نيپا بىتىباەۆاعا ارنالعان وقۋشى­لار­دىڭ رەس­پۋبليكالىق جارىسىنا الما­تى, پاۆلو­دار, شىعىس قازاقستان, اق­مو­لا وبلىس­تارىنان دارىندى بالالار قاتىستى. وسىمەن بەسىنشى رەت وتكىزىلگەن تا­لانتتى شاكىرتتەر جارىسىندا وقۋ­شى­لار اباي الەمى, جالپى قازاق ادەبيەتى, ءتىل ءبىلىمىن جەتىلدىرۋ جونىندەگى ءبىلىم­دەرىن ساراپقا سالدى. جارىس جەڭىم­پازدارىنا قانيپا ومارحانقىزى ءوز قولىمەن ماراپات جاساپ, ولارعا ءسات ساپار تىلەدى. وسكەمەن.