فوتو: katonkaragai.semi/instagram.com
ماماندار ساياباقتاعى فوتو تۇزاقتاردىڭ ءارتۇرلى اۋماقتاردا ورناتىلعانىن اتاپ ءوتتى. مانۋل سوڭعى رەت جاسىرىن كامەراعا 2015 جىلى تۇسكەن ەدى.
«بۇل ارچاتينسك ورمان شارۋاشىلىعىندا تۇسىرىلگەن العاشقى كادرلار. ادەتتە كامەراعا سىلەۋسىن مەن قار بارىستارى ءتۇسىپ قالاتىن. جىرتقىش مىسىقتار بۇعان دەيىن فوتو تۇزاققا ىلىنبەگەن ەدى», دەپ جازدى كاتونقاراعاي مەملەكەتتىك ۇلتتىق تابيعي پاركىنىڭ ءباسپاسوز قىزمەتى.
ايتا كەتۋ كەرەك, سابانشى جابايى مىسىعى (مانۋل) كوزگە كوپ كورىنبەگەندىكتەن جانە پوپۋلياتسياسىنىڭ تومەن تىعىزدىعىنا بايلانىستى ناشار زەرتتەلگەن.
سىرتقى ءتۇرى مەن ولشەمى بويىنشا سابانشى مىسىعى ءۇي مىسىعىنا ۇقسايدى. دەسە دە ونىڭ ءوز ەرەكشەلىكتەرى بار. ونىڭ ءجۇنى ۇزىن ءارى قالىڭ كەلەدى, تاباندارى مەن دەنە ءبىتىمى ءۇي مىسىعىنان ەرەكشەلەنەدى.
بۇل جانۋارلار ءۇشىن ءۇي جاعدايلارى قولايسىز, سول سەبەپتى ولار قولعا ۇيرەتىلمەيدى.
سابانشى مىسىعى بارلىق جەردە سيرەك كەزدەسەدى, ونىڭ سانى ازايىپ بارادى. ال كەيبىر جەرلەردە ونىڭ جويىلۋ قاۋپى بار. بۇل مىسىق ءتۇرىن اۋلاۋعا بارلىق ەلدە تىيىم سالىنعان.
