فوتو: uzlidep.uz
سەمينار-ترەنينگكە قاتىسۋشىلار الدىندا حكۇ ورتالىق ازيا بويىنشا ميسسياسىنىڭ سۋبوڭىرلىك ۇيلەستىرۋشىسى زەينال گادجيەۆ مىرزا, قر پرەزيدەنتى جانىنداعى ادام قۇقىقتارى جونىندەگى كوميسسيا توراعاسىنىڭ ورىنباسارى تاستەمىر ابىشەۆ, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ شىمكەنت قالاسى بويىنشا فيليالىنىڭ ديرەكتورى ادىلەت نىسانبەۆ, قر ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتى توراعاسىنىڭ ورىنباسارى ەربولات ءابىلحاتين قۇتتىقتاۋ ءسوز سويلەدى.
سونىمەن قاتار حكۇ-نىڭ ورتالىق ازياداعى ميسسياسىنىڭ باسشىسى زەينال گادجيەۆ مىرزا ءوز سوزىندە ميگرانتتاردىڭ, ونىڭ ىشىندە اۋعانستاننان كەلگەن ميگرانتتاردىڭ قازاق قوعامىنا الەۋمەتتىك ينتەگراتسيالانۋىنىڭ اسا ماڭىزدى ەكەنىن اتاپ ءوتتى.
كوميسسيا توراعاسىنىڭ ورىنباسارى تاستەمىر ابىشەۆ ءوز سوزىندە ادام قۇقىقتارىن, سونىڭ ىشىندە قازاقستانداعى ميگرانتتاردىڭ قۇقىقتارىن ونىڭ حالىقارالىق مىندەتتەمەلەرى تۇرعىسىنان ساقتاۋ ماسەلەلەرىنىڭ وزەكتىلىگىن, سونداي-اق قۇقىق قورعاۋ تەتىكتەرىن جەتىلدىرۋدە جانە بارلىق ازاماتتاردىڭ الەۋمەتتىك-ەكونوميكالىق, ەڭبەك, ازاماتتىق جانە مادەني قۇقىقتارىن نىعايتۋدا مەملەكەت باسشىسىنىڭ جولداۋلارى مەن باعدارلامالىق ماقالالارىن ەسەپكە الۋدىڭ ماڭىزدىلىعىن اتاپ ءوتتى.
بۇدان ءارى كوميسسيا توراعاسىنىڭ ورىنباسارى جەرگىلىكتى اتقارۋشى جانە قۇقىق قورعاۋ ورگاندارىنىڭ قىزمەتىندە ەڭبەكشى-ميگرانتتاردىڭ قۇقىقتارىن قورعاۋ ماسەلەلەرىن وزەكتەندىرۋ, ەڭبەكشى-ميگرانتتاردىڭ قۇقىقتارىن قورعاۋدا ازاماتتىق قوعام ينستيتۋتتارىنىڭ الەۋەتىن تولىق پايدالانۋ, حالىقتى, ونىڭ ىشىندە ميگرانتتاردى قۇقىقتىق اعارتۋدىڭ رولىنە ەرەكشە نازار اۋدارۋ قاجەتتىگىن ايتتى.
سونداي-اق كوميسسيا توراعاسىنىڭ ورىنباسارى قازاقستان پرەزيدەنتى ق.توقاەۆ زاڭنىڭ ۇستەمدىگىنە جانە قوعامدا قۇقىقتىق مادەنيەتتى ورناتۋعا, قازاقستان رەسپۋبليكاسىنىڭ حالىقارالىق مىندەتتەمەلەرى اياسىندا اركىمنىڭ كونستيتۋتسيالىق قۇقىقتارىن ساقتاۋعا ەرەكشە ءمان بەرەتىنىن اتاپ ءوتتى.
