فوتو. ۇكىمەت, تەلەگرام
«قازىر ورىن العان جاعدايدى ەسەپتەۋ-باعالاۋ جۇمىستارى جالعاسىپ جاتىر. توتەنشە جاعدايلار مينيسترلىگى ەلدەگى سەيسمولوگيالىق احۋالعا تۇراقتى مونيتورينگتى قامتاماسىز ەتۋى كەرەك. كۇشتەر مەن قۇرالدار ساقاداي ساي بولۋعا ءتيىس. سونداي-اق توتەنشە جاعدايلار مينيسترلىگى ەلىمىزدىڭ تاۋلى ايماقتارىندا سەل جانە لاي كوشكىنى ءجۇرۋ قاۋپىنە قاتىستى ءتيىستى مونيتورينگتى قامتاماسىز ەتۋى كەرەك. توتەنشە جاعداي قاۋپى تۋىنداعان كەزدە شۇعىل ارەكەت ەتۋ شارالارىن قابىلداۋ كەرەك», دەدى پرەمەر-مينيستر ولجاس بەكتەنوۆ.
توتەنشە جاعداي ءمينيسترى شىڭعىس ءارىنوۆتىڭ بايانداۋىنشا رەسپۋبليكالىق جانە وڭىرلىك جەدەل شتابتار قۇرىلىپ, 384 ازاماتتاردى قابىلداۋ پۋنكتى ۇيىمداستىرىلدى. تاۋلىك بويى «جەدەل جەلى» جۇمىس ىستەپ تۇر. وقيعا ورىن العان كۇنى قابىلداۋ پۋنكتتەرىندە ءۇش مىڭعا جۋىق ادام ورنالاستى. اكىمدىكتەرمەن قيراعان عيماراتتاردى انىقتاۋ بويىنشا تەكسەرۋ جالعاسىپ جاتىر. سەل قاۋپى بار اۋماقتاردا اەروۆيزۋالدى زەرتتەۋ جۇرگىزىلدى. الگوريتمگە سايكەس قوعامدىق ءتارتىپتى قامتاماسىز ەتۋ ءۇشىن پوليتسيا قىزمەتكەرلەرى تارتىلدى. الماتى قالاسى بويىنشا بارلىق تىرشىلىكتى قامتاماسىز ەتۋ نىساندارى شتاتتىق رەجيمدە جۇمىس ىستەپ تۇر. قازىرگى ۋاقىتتا ەل بويىنشا سەيسميكالىق جاعداي تۇراقتى. تجم پروفيلاكتيكالىق جۇمىستاردى جالعاستىرادى.
