ءمينيستردىڭ ايتۋىنشا, الماتىداعى جەر سىلكىنىسىنە بايلانىستى رەسپۋبليكالىق جانە وڭىرلىك جەدەل شتابتار قۇرىلىپ, 384 ازاماتتاردى قابىلداۋ پۋنكتى ۇيىمداستىرىلدى. تاۋلىك بويى «جەدەل جەلى» جۇمىس ىستەپ جاتىر.
«وقيعا بولعان كۇنى قابىلداۋ پۋنكتتەرىندە ءۇش مىڭعا جۋىق ادام ورنالاستى. اكىمدىكتەرمەن قيراعان عيماراتتاردى انىقتاۋ بويىنشا تەكسەرۋ جالعاسىپ جاتىر. سەل قاۋپى بار اۋماقتاردا اەروۆيزۋالدى زەرتتەۋ جۇرگىزىلدى. الگوريتمگە سايكەس قوعامدىق ءتارتىپتى قامتاماسىز ەتۋ ءۇشىن پوليتسيا قىزمەتكەرلەرى تارتىلدى», دەدى ش.ءارىنوۆ.
قازىر ەل بويىنشا سەيسميكالىق جاعداي تۇراقتى. توتەنشە جاعدايلار مينيسترلىگى پروفيلاكتيكالىق جۇمىستاردى ءالى دە جالعاستىرا بەرەدى. الماتى قالاسى بويىنشا بارلىق نىساندار شتاتتىق رەجيمدە جۇمىس ىستەپ جاتىر.
