وعان دۇنيەگە كەلگەندە جانىبەك دەگەن ەسىم دە بەرىلگەن. تانىمال تەلەجۇرگىزۋشى, "بارمىسىڭ, باۋىرىم" جوباسىنىڭ رەداكتورى قىمبات دوسجان بالانىڭ وقيعاسىنا قاتىستى تاعى ءبىر جاڭا دەرەك ءبولىستى.
ونىڭ ايتۋىنشا, ەندى باعدارلاما قىزمەتكەرلەرى جانىبەكتىڭ اكەسىن ىزدەمەك.
- دوستار, جانىبەك بالام جايلى سوڭعى اقپارات. استانا-ستامبۋل-بارسەلونا-مالوركا-مالاگا باعىتىنا شىققان تۇركىش ۇشاعى استانادان كەشىگىپ ۇشىپ, جانىبەك قالعان رەيستەردىڭ بارىنەن كەشىگىپ قالعان, بىراق, بالامىز ءوزى ايتقانداي, جولى بولعىش بالا ەكەن, تۇرىك اۆياكومپانياسى - ءۇش رەت ۇشاق اۋىستىرىپ جەتەتىن جەرىنە ءبىر عانا ۇشاقپەن جەتەتىندەي ەتىپ جاعداي جاساپ, تاماعىن بەرىپ, ستامبۇلدان مالاگاعا ءبىر اق جەتەتىن ەتىپ بيلەتىن اۋىستىرىپ بەرگەن. ادامعا ادام سەكىلدى قاراعان تۇرىك اعايىنعا مىڭ العىس! بالامىزدىڭ اناسى, نەمەسە اكەسى (ەندى اكەسىن ىزدەيمىز دەپ ناقتى شەشىم قابىلداپ وتىرمىز) وسىلايشا تەز تابىلسا ەكەن دەپ تىلەيمىن. بالانى ءار كورگەن سايىن, سويلەسكەن سايىن "تەگى جاقسى, ءتىپتى مىقتى تەكتەن" ەكەندىگىنە كوز جەتكىزەمىز اسەل ەكەۋمىز, - دەپ جازدى جۋرناليست.
