جەر سىلكىنىسىنە بايلانىستى شۇعىل جيىن ءوتتى

جەر سىلكىنىسىنىڭ ەپيتسەنترى قازاقستان اۋماعىندا الماتى قالاسىنان وڭتۇستىككە قاراي 31 كم جەردە ورنالاسقان.

جەر سىلكىنىسىنىڭ ەنەرگەتيكالىق كلاسى - 13.2.

MPV ماگنيتۋداسى - 6.1.

ەپيتسەنتردىڭ كوورديناتتارى: 42.93° س. ە. 76.96° ش. ب.

تەرەڭدىگى - 10 كم.

سەزىلەتىندىگى تۋرالى مالىمەتتەر (دسم-64 شكالاسى بويىنشا): الماتى 5 بالل.

وسى توتەنشە جاعدايعا بايلانىستى الماتى وبلىسىنىڭ اكىمى مارات سۇلتانعازيەۆ شۇعىل جيىن وتكىزدى.  قازىرگى ۋاقىتتا ايماقتاعى جاعداي تۇراقتى, بىراق جەدەل شتاب الداعى ءىس-شارالار جوسپارىن تالقىلاۋدى جالعاستىرىپ جاتىر. وڭىردەگى بارلىق تىرشىلىكتى قامتاماسىز ەتۋ جۇيەلەرى, پوليتسيا ءبولىمى مەن مەديتسينالىق جەدەل جاردەم قىزمەتى شتاتتىق رەجيمدە جۇمىس ىستەپ تۇرعانىن حابارلادى.

جيىندا تاۋلى ايماقتاردا قار كوشكىنى قاۋپىنە بايلانىستى ساقتىق شارالارىن نازارعا الىپ, جەرگىلىكتى اتقارۋشى ورگانداردىڭ نۇسقاۋلارىن ورىنداۋ ۇسىنىلدى. تۇرعىنداردى توتەنشە جيناۋ پۋنكتتەرى بەلسەندى قىزمەت اتقارا بەرەتىنى جانە قاجەتتى كومەك كورسەتۋ ءۇشىن مەديتسينالىق مەكەمەلەر مەن جەدەل جاردەم قىزمەتى كۇشەيتىلگەن رەجيمدە جۇمىس ىستەيتىنى حابارلاندى.

ايماق باسشىسىنىڭ نۇسقاۋىمەن جەر سىلكىنىسىنەن كەيىنگى ىقتيمال زارداپتاردى انىقتاۋ ماقساتىندا وبلىستاعى بارلىق عيماراتتار مەن قۇرىلىستارعا تەكسەرۋ جۇرگىزىلىپ جاتىر. سونداي-اق زارداپ شەككەندەرگە كومەك كورسەتۋ ءۇشىن, قابىلداۋ پۋنكتتەرىن دايىنداۋ جانە اپاتتىق-قۇتقارۋ قىزمەتتەرىنىڭ ءىس-قيمىلدارىن ۇيلەستىرۋ جونىندە تاپسىرما بەرىلدى.

«توتەنشە جاعدايلارعا جەدەل نازار اۋدارۋ دايىندىعى جانە وبلىس تۇرعىندارىنىڭ قاۋىپسىزدىگىن قامتاماسىز ەتۋ – ءبىزدىڭ باستى مىندەتىمىز», دەدى مارات سۇلتانعازيەۆ.