فوتو: ن.بايبۋلين
«قيىن-قىستاۋ جىلداردىڭ وزىندە حالقىمىز بىرلىك پەن بەرەكەنى تۋ ەتىپ, قايىرىمدىلىق پەن قامقورلىقتىڭ وزىق ۇلگىسىن كورسەتە ءبىلدى. العىس ايتۋ كۇنىندە ءبىز وسىنداي تاعىلىمدى تاريحىمىزدى دارىپتەيمىز. قازىرگى تاڭدا ىرىس پەن ىنتىماقتى ساقتاۋ, بۇل قۇندىلىقتاردىڭ ماڭىزىن ارتتىرۋ ايرىقشا مانگە يە», دەدى ماۋلەن اشىمباەۆ.
سونىمەن قاتار سەنات توراعاسى الەمدە تۇراقسىزدىق بەلەڭ العان قازىرگى كەزەڭدە حالىقتىڭ زاماناۋي سىن-قاتەرلەرگە بىرلەسىپ قارسى تۇرۋى, بەيبىتشىلىك پەن كەلىسىمگە تابان تىرەۋى جانە ءوزارا قۇرمەت پەن قولداۋدى ناسيحاتتاۋى ماڭىزدى ەكەنىنە نازار اۋداردى.
«مەملەكەت باسشىسى قاسىم-جومارت كەمەل ۇلى توقاەۆ بىرلىك پەن تۇراقتىلىق بولماسا, ساياسي جانە ەكونوميكالىق رەفورمالاردى ىسكە اسىرۋ مۇمكىن ەمەس ەكەنىن ۇنەمى ايتىپ كەلەدى. ءبىز جاھاندىق سىن-قاتەرلەر مەن ەلىمىزدەگى ماڭىزدى وزگەرىستەر كەزەڭىندە ءومىر ءسۇرىپ جاتىرمىز. وسىنداي ساتتە ارقايسىمىز بىرلىك پەن جاۋاپكەرشىلىكتىڭ قادىرىن تەرەڭ تۇسىنگەنىمىز ابزال. بەيبىتشىلىك پەن كەلىسىمدى نىعايتۋ جولىندا جۇدىرىقتاي جۇمىلعان ءجون. بۇل – وتانىمىزدىڭ ودان ءارى ءوسىپ-وركەندەۋىنە جانە ىشكى ساياسي تۇراقتىلىقتى قامتاماسىز ەتۋگە وڭ ىقپالىن تيگىزەتىن قادام. وسى رەتتە العىس ايتۋ كۇنىنىڭ ءرولى زور. الداعى ۋاقىتتا بىرلىگىمىز بەكەمدەلىپ, ەلىمىز ورلەي بەرسىن», دەدى سەنات سپيكەرى.
ايتا كەتسەك, ءىس-شاراعا مادەنيەت جانە اقپارات ۆيتسە-ءمينيسترى دانيار قادىروۆ, قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ جانە ەتنومادەني بىرلەستىكتەردىڭ وكىلدەرى دە قاتىستى.
