فوتو: openbusiness.ru
دەپۋتاتتىڭ ايتۋىنشا, قىرعىزستاندا ءمايىتتى ورتەۋ كەرەك دەگەن پىكىردى قولدايتىن ادامدار توبى از ەمەس. سوندىقتان كورشى ەلدىڭ قۇقىقتىق قۇجاتىندا «جەرلەۋ جانە جەرلەۋ ءىسى تۋرالى» زاڭدا كرەماتوريلەر سالۋ تۋرالى تارماق قاراستىرىلعان.
«قابىلدانعان بۇل زاڭ ەلىمىزدەگى كەي ءدىن وكىلدەرىنە كرەماتسيا جاساۋعا مۇمكىندىك بەرەدى. سونىمەن قاتار قازىرگى تاڭدا جانۋارلاردىڭ ولەكسەسىن اشىق, كەز كەلگەن ورىنعا لاقتىرىپ تاستاۋ فاكتىلەرى ءجيى ۇشىراپ جاتىر. سالىناتىن كرەماتوريلەر وسى ولقىلىقتى دا تۇزەيتىن بولادى», دەدى قىرعىز دەپۋتاتى.
كورشى ەلدە زاڭ جوباسى قابىلدانعاننان كەيىن 6 اي ىشىندە ءمايىتتى ورتەۋ ورىندارىن سالۋ ءىسى نەگىزىندە جەكەلەگەن ەرەجەلەر, نورماتيۆتىك قۇقىقتىق اكتىلەر ازىرلەنبەك.
ء«مايىتتى ورتەۋ شاراسى جاۋاپتى ورگاندار ارقىلى جۇزەگە اسادى. بۇل ارەكەتتى جاساماق بولعان تۇرعىندار, اۋەلى, بىرقاتار راستاۋ قۇجاتىن, تۋىستارىنىڭ رۇقسات قاعازىن كورسەتۋ كەرەك. كەز كەلگەن ادام قالاعان ۋاقىتىندا ءمايىتتى ورتەي المايدى», دەپ تۇسىندىردى مارلەن ماماتاليەۆ.
ايتا كەتەيىك, كرەماتوريلەر قىرعىزستاننىڭ تەك قالالارىندا عانا مەملەكەتتىك بيۋدجەت ەسەبىنەن سالىنادى.
