استىقتى ايماق تۇرعىندارىن ءسۇت ونىمدەرىمەن قامتاماسىز ەتۋ – وتە وزەكتى ماسەلە. ءبىر قاراعاندا مال باسى جەتكىلىكتى بولعانىمەن, ءونىم وڭدەۋدە قيمىل شيراق ەمەس. اسىرەسە, اۋىل تۇرعىندارىنىڭ باعىمىنداعى ءىرى قارا مالدىڭ ونىمدەرىن ىسكە جاراتۋ جاعىندا ولقىلىق بار. بۇل تياناقتى اتقارىلسا, مال باققانعا دا, ءونىمىن وڭدەپ, ىسكە جاراتقانعا دا پايدالى بولار ەدى. ءارى استانا قالاسىن ازىق-ت ۇلىكپەن قامتاماسىز ەتۋ بەلدەۋىندەگى ءوڭىر داستارقانىنىڭ بەرەكەسى كىرەرى ءسوزسىز. ءدال قازىر وبلىستاعى ءىرى ەلدى مەكەندەردىڭ ازىق-ت ۇلىك دۇكەندەرىندە ۇنتاقتان جاسالعان ءسۇت سىڭسىپ تۇر. ال اقتىلى مال ءوسىرىپ وتىرعان ءوڭىر نەگە تابيعي, تازا ءسۇت ىشپەسكە؟
جارقايىڭ اۋدانىنداعى تاۋارلى-ءسۇت فەرماسى وسى زامانعى ساۋ قۇرىلعىلارى ورناتىلعان, 800 باس ءىرى قاراعا لايىقتالعان فەرما بولماق. وتكەن جىلى ءدال وسى فەرمانىڭ 400 باسقا شاقتالعان قۇرىلىسى اياقتالدى. بۇل جۇمىسقا سەرىكتەستىكتىڭ 700 ميلليون تەڭگەدەن استام قاراجاتى جۇمسالدى. ءسۇت قابىلداپ الاتىن جانە وڭدەۋدەن وتكىزەتىن قۇرىلعىلار ورناتىلدى. جوبانىڭ جالپى قۇنى – 1,3 ميلليارد تەڭگە.
سەرىكتەستىك باسشىسى ەرلان ءاليننىڭ الدىنا قويعان جوسپارىنا قاراعاندا, ءسۇت وڭدەۋ بارىسىندا ەڭ وزىق تەحنولوگيا قولدانىلىپ, جوعارى ساپاعا قول جەتكىزىلمەك. مىنە, سوندا عانا ەڭ كىرپياز تۇتىنۋشىنىڭ تالابىنا جاۋاپ بەرەتىن بولادى. بۇل جەردە ءسۇت ونىمدەرىنىڭ سان ءتۇرى شىعارىلماق. ءتىپتى بۇل وڭىردە كەزدەسە قويمايتىن تاڭسىق اسقا دەيىن بار. ەڭ باستىسى, جاڭا جۇمىس ورىندارى. ەكى قولىن الدىنا سىيعىزا الماي وتىرعان اۋىل تۇرعىندارى تۇراقتى تابىسى بار, جۇمىسشىلارىنىڭ بار جاعدايى جاسالعان ەڭبەككە ارالاسپاق. ەڭ باستىسى دا وسى ەمەس پە؟!
ءسوز اراسىندا سەرىكتەستىك تۋرالى ءبىراۋىز ءسوز ايتا كەتەلىك. ۇجىم باسەكەگە توتەپ بەرەتىن بەرەكەلى ءىستىڭ باستاۋ كوزىن اشقان. ءار جىل سايىن ماتەريالدىق-تەحنيكالىق بازاسىن جاقسارتىپ, ءارتۇرلى ءونىم ءوندىرىپ جاتىر. ديقاندار بيداي, س ۇلى, ارپا ەگەدى. سونداي-اق كارتوپ, قىرىققابات, ءسابىز, قىزىلشا ءوسىرۋ قالىپتى جاعداي. ءبىر ايتا كەتەرلىگى, جوعارىدا اتالعان ونىمدەردىڭ بارلىعى ەسەلى ەڭبەكتىڭ ارقاسىندا ءتاپ-ءتاۋىر ءونىم بەرىپ تۇر.
قيانداعى تاسوتكەل اۋىلىنىڭ ۋاقىت وتكەن سايىن ءسان-سالتاناتى ارتىپ, اجارىنىڭ ايشىقتى بولۋىنا وسى سەرىكتەستىك ۇلەس قوسىپ جاتىر. جول جوندەلىپ, اۋىلداعى ءبىلىم وشاعى قۇرىلىسشىنىڭ قالاعىنان جاڭا شىققانداي جوندەۋدەن وتكىزىلگەن. اۋىل تۇرعىندارىنىڭ تۇرمىسى قالاداعىدان كەم ەمەس. سەرىكتەستىك الەۋمەتتىك باعدارلامالار مەن مادەنيەت سالاسىن قولداۋعا ءار جىل سايىن قىرۋار قارجى بولەدى. 24 جىلدان بەرى بۇل اۋىل اۋدانداعى ەڭ ساۋلەتتى ەلدى مەكەننىڭ ءبىرى. سەرىكتەستىك باسشىسى ەرلان قينۋاربەك ۇلى – اۋداننىڭ قۇرمەتتى ازاماتى. بۇل ىسكەر باسشىنىڭ ەڭبەگىنە بەرىلگەن باعا.
بۇگىنگى كۇنى سەرىكتەستىك تەحنيكا پاركىن جاڭعىرتىپ جاتىر. مۇمكىندىكتەرى بار بولعان سوڭ اۋىل شارۋاشىلىعى تەحنيكالارىنىڭ ەڭ سوڭعى ۇلگىدەگى نۇسقالارىن الىپ جاتىر. جاقسى جاراقتالعان شارۋاشىلىقتىڭ ءىسى دە ءونىمدى. ال ءىسى العا باسقان سايىن شالعايداعى شاعىن اۋىلدىڭ داستارحانى باي, مەرەيى ۇستەم.
اقمولا وبلىسى,
جارقايىڭ اۋدانى
