شورتاندى كەنتىنىڭ №3 جالپى ءبىلىم بەرەتىن ورتا مەكتەبىنىڭ وقۋشىسى ايگەرىم انەسي جوسىعى بولەك عىلىمي جوبانى قولعا الىپتى. ەلدى ەلەڭ ەتكىزە ءتىن-اق دۇنيە. انشەيىندە قوقىستا شاشىلىپ جاتاتىن شىنى قالدىقتارى كادەگە جارايدى دەپ كىم ويلاعان. تالاپتى جاستىڭ ءوزى ەشقانداي شىعىن شىعارماي, اۋىلداستارىنىڭ داستارقانىن نەسىبەمەن تولتىرار عىلىمي جوبانى قولعا الىپ وتىر. ماتەماتيكا جانە ينفورماتيكا پاندەرىنىڭ مۇعالىمى جارقىنگۇل اساۋيمەن بىرلەسە وتىرىپ, جۇمىسقا قاۋىرت كىرىسىپ كەتكەن. الدىمەن اۋىل-ايماقتان ارقيلى دارىلەردەن بوساعان شىنى قۇتىلارىن جيناپتى. كەيىن ولاردى ءبىر-بىرىنە ادەمىلەپ جاپسىرعان. كوكوسكىنگە قاجەتتى سۋ جينايتىن بوشكەلەردى ورنالاستىرىپتى. قۇبىر دا تارتىلعان. شاتىردىڭ اشىلىپ-جابىلۋى ىڭعايلى بولۋىن دا ۇمىت قالدىرماعان. ايتپاقشى سۋارۋ جۇيەسى تولىق اۆتوماتتاندىرىلعان.
– جىلىجاي جۇمىسىن 2022-2023 وقۋ جىلدارى ارالىعىندا سىناقتان وتكىزىپ كوردىك, – دەيدى جوبا جەتەكشىسى جارقىن اساۋي, – قولجەتىمدى ماتەريالداردى قولدانا وتىرىپ جاسالعان جىلىجايدا ءتاپ-ءتاۋىر ءونىم وندىرۋگە بولادى ەكەن.
بايقامپاز وقۋشى ايگەرىم انەسي وسى زەرتتەۋ جۇمىسىن رەسپۋبليكالىق «زەردە» عىلىمي جوبا بايقاۋىنا ۇسىنىپ, جۇلدەلى ورىنعا يە بولىپتى. قارشاداي قىزدىڭ تالپىنىسى ابدەن قۇپتارلىق. وزگە دە زامانداستارى جاقسىدان ۇيرەنىپ, العا ۇمتىلىپ جاتسا ءبىر عانيبەت ەمەس پە؟!
اقمولا وبلىسى,
شورتاندى اۋدانى
