فوتو: ۇلتتىق ۇلاننىڭ ءباسپاسوز قىزمەتى
دالىرەك ايتار بولساق, 27 اقپاندا ساعات 20:20 شاماسىندا «سارىارقا» اۋدانىندا قوعامدىق ءتارتىپتى ساقتاۋ جونىندەگى پاترۋلدىك-بەكەتتىك قىزمەتتى اتقارۋ كەزىندە ۇلتتىق ۇلاننىڭ اسكەري جاساعىنا ءبىر ايەل ءوزىنىڭ بالاسىن تابا المايتىنىن ايتىپ, كومەككە جۇگىندى.
اسكەري جاساق باستىعى قاتارداعى جاۋىنگەر گەورگي لەباكين مەن قاتارداعى جاۋىنگەرلەر بەكبولات ەسكەندىر جانە ارسەن قازي بۇل وقيعا تۋرالى دەرەۋ پاترۋلدىك توپ باستىعىنا بايانداپ, جاقىن ماڭداعى جاساقتاردى حاباردار ەتتى.
از عانا ۋاقىت ىشىندە اسكەري جاساقتىڭ كومەگىمەن ءتورت جاسار بالانى تاۋىپ, ونى اناسىنا تاپسىردى. قۋانعان انا ۇلاندىقتاردىڭ قىزمەتىنە ساتتىلىك تىلەپ, ولاردىڭ جەدەل ءارى جاۋاپتى ارەكەتتەرى ءۇشىن العىس ءبىلدىرىپ, ءبولىم كومانديرىنىڭ اتىنا العىس حات جازدى.
ەكىنشى جاعداي سول كۇنى ساعات 20:30 شاماسىندا بولدى. اسكەري جاساق باستىعى قاتارداعى جاۋىنگەر ءبىرجان جاقسىلىقوۆ پەن پاترۋلدىك قاتارداعى جاۋىنگەرلەر باقداۋلەت اسىلحان مەن الىشەر ماحمەت قۇرامىنداعى اسكەري جاساق پاترۋلدەۋ باعىتىندا «IPhone 14» ماركالى سمارتفوندى تاپتى. بۇل جاعداي تۋرالى بايلانىس قۇرالدارى ارقىلى اسكەري جاساق باستىعىنا باياندالدى.
– ءبىز ىزدەۋدى باستاعاننان كەيىن تەلەفونعا سمارتفون يەسىنەن قوڭىراۋ ءتۇستى. كەيىن ول تەلەفون تابىلعان جەرگە كەلدى. اڭگىمە بارىسىندا ءبىز سمارتفوننىڭ وسى جاس جىگىتكە تيەسىلى ەكەنىنە كوز جەتكىزىپ, ونى يەسىنە قايتاردىق, – دەيدى اسكەري جاساق باستىعى قاتارداعى جاۋىنگەر ءبىرجان جاقسىلىقوۆ.
وسىدان كەيىن جاس جىگىت ساربازدارعا قىراعى جانە ادال قىزمەت ەتكەنى ءۇشىن العىس ايتتى.
