فوتو: اشىق دەرەككوز
حالىقارالىق اقپاراتتىق تەحنولوگيالار ۋنيۆەرسيتەتىندە وتكەن العاشقى كاسىبي UI/UX جانە گرافيكالىق ديزاينەرلەر بايقاۋىن بەلگىلى كاسىپكەر, ۆەنچۋرلىك ينۆەستور كەڭەس راقىشەۆتىڭ «حاتۋ» اكتسيونەرلىك قوعامى, ء«سابي» قايىرىمدىلىق قورى ۇيىمداستىردى.
- «Design Battle» بايقاۋى ونلاين جانە وفلاين فورماتتا ءوتتى. وعان قازاقستاننىڭ تۇكپىر-تۇكپىرىنەن 220-دان استام ديزاينەر, ال ونلاين-ترانسلياتسيادا 150-دەن استام كورەرمەن قاتىستى. بايقاۋدىڭ ءبىرىنشى كۇنى ەتنيكالىق ستيلدە, ايدەنتيكادا جانە ديزايننىڭ باسقا دا نەگىزگى اسپەكتىلەرىندە تاجىريبەسى مول ماماندار وتكىزگەن شەبەرلىك ساعاتتارىنا ارنالدى. ەكىنشى كۇنىندە قاتىسۋشىلار جوبالارى بويىنشا قارقىندى جۇمىس جاسادى, - دەيدى ۇيىمداستىرۋشىلار.
ناتيجەسىندە, UX/UI جانە گرافيكالىق باعىتتاعى 70 بىرەگەي جوبا ىرىكتەلىپ كەڭەس راقىشەۆ, ء«سابي» قورىنىڭ پرەزيدەنتى اسەل تاسماعامبەتوۆا جانە حاتۋ ماماندارى مەن ديزاين سالاسىنداعى تاۋەلسىز ساراپشىلاردان قۇرالعان ءادىل قازىلار القاسىنا ۇسىنىلعان.
بايقاۋ قورىتىندىسى بويىنشا, UX/UI ديزاينەر ديلناز مۇقاشەۆانىڭ تۋىندىسى ۇزدىك دەپ تانىلسا, رۋسلان ماحماتوۆ ەكىنشى ورىن, ارۋجان رايىمقۇلوۆا ءۇشىنشى ورىندى ەنشىلەدى. ال گرافيكالىق ديزاين باعىتىندا قاسىمحان بۇلحايىر توپ جارسا, يسلام تىركەسباەۆ ەكىنشى ورىن, ۇلان مۇپتەكەەۆ ءۇشىنشى ورىنعا يە بولدى.
بايقاۋدىڭ جالپى جۇلدە قورى – 2 ميلليون تەڭگە. ءار باعىت بويىنشا جۇلدەگەر كوماندالار ءبىرىنشى ورىن ءۇشىن – 500 000 تەڭگە, ەكىنشى ورىن ء ۇشىن – 300 000 تەڭگە الدى جانە ءۇشىنشى ورىن ءۇشىن – 200 000 تەڭگەلىك سەرتيفيكاتتارمەن ماراپاتتالدى. سونىمەن قاتار بىرنەشە قاتىسۋشى كەڭەس راقىشەۆ جوباسىندا قازاق ءتىلىن ۇيرەنۋگە ارنالعان بىرەگەي قوسىمشانى قۇرۋ بويىنشا جۇمىس ىستەۋگە ۇسىنىس الدى. ول جاس ديزاينەرلەر جاسايتىن زاماناۋي قۇرال مەملەكەتتىك ءتىلدى دامىتۋعا ۇلەسىن قوسپاق.
