فوتو: تۇرار قازانعاپوۆ
قاتاڭ رەجيمدەگى بۇل كالونيادا اۋىر قىلمىس جاساعاندار مەن قايتا قىلمىسقا بارعاندار جازاسىن وتەيدى. اتالعان ساناتتاعى قىلمىسكەرلەر اراسىندا جانجال تۋىپ, سوڭى توبەلەسكە ۇلاسقان. وقيعا بارىسىندا جانجالداسۋشىنىڭ ءبىرى اۋىر دەنە جاراقاتىن الىپ, سالدارىنان كوز جۇمدى.
توبەلەس كەزىندە مەكەمە قىزمەتكەرلەرىنىڭ قايدا بولعانى تەكسەرىلىپ جاتىر. وسى ماقساتتا ارنايى كوميسسيا قۇرىلدى.
«سوتتالعاندار اراسىندا جانجال تۋىنداپ, سالدارىنان ولاردىڭ ءبىرى العان جاراقاتىنان وقيعا ورنىندا جان تاپسىردى. بۇل فاكت بويىنشا قىلمىستىق ءىس قوزعالدى. قىلمىستىق اتقارۋ جۇيەسى كوميتەتى ونىڭ قورىتىندىسى بويىنشا تەكسەرۋ تاعايىندادى. ونىڭ ىشىندە قىزمەتكەرلەردىڭ ارەكەتىنە قۇقىقتىق باعا بەرىلەدى», دەلىنگەن قاراعاندى جانە ۇلىتاۋ وبلىسى بويىنشا قىلمىستىق ىزدەستىرۋ دەپارتامەنتىنىڭ ءباسپاسوز قىزمەتى تاراتقان حابارلامادا.
