26 اقپاندا ىستامبۇلدا ديماش قۇدايبەرگەن «When I’ve got you» اتتى جاڭا تۋىندىسىنا ارنالعان بەينەباياننىڭ تۇساۋىن كەستى. پرەمەرا ونەرپازدىڭ تۇركيادا وتەتىن جەكە كونتسەرتىنە بايلانىستى ءباسپاسوز كونفەرەنتسياسى اياسىندا ءوتتى.
بەينەباياننىڭ نەگىزگى يدەياسى ديماش پەن بەينەباياننىڭ رەجيسسەرى عالىم اسىلوۆقا تيەسىلى: «جەكە ءومىر سالتىن ۇستاناتىن الەمگە ايگىلى ءانشى ءوزىنىڭ العاشقى اشىق سۇحباتىن بەرۋگە شەشىم قابىلدادى. ول تاڭداعان جاس جۋرناليست “ال, ەگەر…” دەپ باستالاتىن ءتۇرلى ۋايىمعا تولى ساۋالدارى كوبەيىپ, قاتتى قوبالجىپ, ۋايىمعا سالىندى.
ديماشتىڭ مەيىرىمدى جانە قاراپايىم ادام ەكەنىن ءبارى بىلەدى. بىراق ديماش بۇقارالىق اقپارات قۇرالدارىندا ءجيى كورىنە بەرمەي, جەكە سۇحبات بەرمەيتىندىكتەن ونىڭ جەكە ءومىرى تۋرالى از بىلەمىز. ال بۇگىن ءبىز ءانشىنى ءسال باسقا قىرىنان, جاڭا بەينەدە كورەتىن بولامىز», دەپ ءبولىستى.
عالىم اسىلوۆ پەن جوبانىڭ ەكىنشى رەجيسسەرى ءارى جەلىلىك پروديۋسەر جانىبەك عۇسمانوۆ ءتۇسىرىلىم بارىسى وتە قىزىق بولعانىن جانە الماتىدا وتكەنىن حابارلادى. ءدال سول جەردە باس كەيىپكەردىڭ كوستيۋمى تىگىلىپ, قازاقستاندىق ماماندارمەن بىرگە ءانشىنىڭ بۇكىل وبرازى جاسالدى.
كاستينگ وڭاي بولعان جوق: باستى كەيىپكەردىڭ رولىنە كوپتەگەن اكتريسالار مەن مودەلدەر ءوز باقتارىن سىنادى. ەجەلگى انتيكالىق مادەنيەتتى ىزدەۋ وڭاي بولمادى. سول سەبەپتى, بەينەجازبا ءۇش جەر پايدالانىلدى. شىعارماشىلىق كوماندا ينتەرەردىڭ ءاربىر ەلەمەنتىندە, كوستيۋمنىڭ ءاربىر دەتالىندا جانە ءاربىر كادردا جۇمباققا تولى وقيعالار جاساۋعا تىرىستى.
