بۇل قورعانىس ءمينيسترى گەنەرال-پولكوۆنيك رۋسلان جاقسىلىقوۆ پەن وقۋ-اعارتۋ ءمينيسترى عاني بەيسەمباەۆتىڭ وسى جىلدىڭ قاڭتار ايىندا وتكەن كەزدەسۋى كەزىندە قول جەتكىزىلگەن ۋاعدالاستىقتىڭ ناتيجەسى.
ونىڭ قورىتىندىسى بويىنشا جاستارعا اسكەري-پاتريوتتىق تاربيە بەرۋدى جەتىلدىرۋدىڭ بىرلەسكەن جوسپارى ازىرلەنىپ, بەكىتىلدى. «بالداۋرەن» رەسپۋبليكالىق وقۋ-ساۋىقتىرۋ ورتالىعىنىڭ فيليالدارىندا اسكەري قىزمەتشىلەر مەن قارۋلى كۇشتەر قىزمەتشىلەرىنىڭ بالالارىنا كۆوتا ءبولۋ تۋرالى ۋاعدالاستىققا قول جەتكىزىلدى.
دەمالىسقا ءبىرىنشى كەزەكتە شالعايداعى گارنيزونداردا اسكەري قىزمەت وتكەرەتىن اسكەري قىزمەتشىلەر مەن ازاماتتىق پەرسونالدىڭ, تولىق ەمەس جانە كوپ بالالى وتباسىلاردا تاربيەلەنىپ جاتقان بالالار جىبەرىلدى.
ورتالىقتا بولۋ مەرزىمى – 21 كۇن. بۇل رەتتە مادەني-دەمالىس جانە ساۋىقتىرۋ ءىس-شارالارىنان باسقا بالالار مەكتەپ باعدارلاماسىنىڭ پاندەرى بويىنشا مەملەكەتتىك جانە ورىس تىلدەرىندە ساباق وقيدى.
بۇل 2024 جىلى «بالداۋرەن» ورتالىعىنىڭ فيليالدارىندا مىڭنان استام بالانىڭ دەنساۋلىعى مەن جەكە دامۋى ءۇشىن پايدالى دەمالىس بولماق.
مينيسترلىكتەردىڭ بىرلەسكەن جوسپارىندا «بالداۋرەن» روسو ۆەدومستۆولىق تيەسىلىلىگىنە, شتات كەستەسىنە, «التىن ەمەل» كەشەنىنىڭ ينفراقۇرىلىمىن جەتىلدىرۋگە, جوندەۋ جۇمىستارىن جۇرگىزۋگە, سپورت قالاشىعىن سالۋعا جانە اۋديتوريا جابدىقتاۋعا قاتىستى بىرقاتار ۇيىمداستىرۋ ءىس-شارالارىن وتكىزۋ كوزدەلگەنىن اتاپ وتكەن ءجون.
مۇنداي ىنتىماقتاستىق اسكەرگە شاقىرىلعانعا دەيىنگى جاستارمەن جۇمىس ىستەۋگە باعىتتالعان. اسكەري ءىستىڭ نەگىزدەرىن ۇيرەنۋدەن پراكتيكالىق ساباقتاردى قامتيتىن ءتيىستى وقۋ باعدارلاماسى دا ەنگىزىلىپ وتىر. «جاس سارباز», «سمارت سارباز» سىنىپتارى اشىلادى, باسقا دا ءىس-شارالار جوسپارلانىپ وتىر. اسكەري-پاتريوتتىق كلۋبتاردىڭ تاربيەلەنۋشىلەرى ءۇشىن بىرىڭعاي نىساندى ەنگىزۋ ماسەلەسى جۋىردا شەشىلەدى.
وسى ءىس-شارالاردىڭ بارلىعى 2030 جىلعا دەيىنگى جاستاردى اسكەري-پاتريوتتىق تاربيەلەۋ تۇجىرىمداماسىن ىسكە اسىرۋعا قىزمەت ەتەدى.
