فوتو: اشىق دەرەككوز
باق وكىلدەرىنىڭ قاتىسۋىمەن وتكەن جيىندا قازاتو باسشىسى ماقسات ساقتاعانوۆ ۇكىمەت پەن قر كولىك مينيسترلىگى ەكونوميكانىڭ وسى سالاداعى قالىپتاسىپ وتىرعان جاعدايدى رەتتەۋگە ىقپالىن جۇرگىزىپ, اۆتوتاسىمالداۋشىلاردىڭ باسىنداعى احۋالعا قۇلاق ءتۇرىپ, شارالار قابىلدايتىنىنا سەنىم بىلدىرە كەلە: ء«بىز جاڭا ۇكىمەتتىڭ ءبىز كوتەرىپ وتىرعان ماسەلەلەرگە نازار اۋدارىپ, وتاندىق حالىقارالىق تاسىمالداۋشىلارعا كومەك كورسەتەتىنە ءۇمىت ارتامىز», دەدى.
سونىمەن ءباسپاسوز ءماسليحاتىندا بەس ماسەلە كوتەرىلدى. بىرىنشىدەن, ۇلتتىق اۆتوموبيلمەن تاسىمالداۋشىلار وسىدان الدىن قولدانىستا بولعان قازاقستاندىق تاسىمالداۋشىلار ءۇشىن دە, شەتەلدىك تاسىمالداۋشىلار ءۇشىن دە اۋىستىرىپ تىركەۋگە جانە اۋىستىرىپ تيەۋگە تىيىم سالۋ تۋرالى نورمانىڭ جويىلۋىن قولدامايتىندىقتارىن ءبىلدىردى. ولاردىڭ ءۋاجى بويىنشا, قر كولىك ءمينيسترىنىڭ اۋىستىرىپ تىركەۋگە/اۋىستىرىپ تيەۋگە رۇقسات بەرۋ تۋرالى بۇيرىققا قول قويۋى – جۇك تاسىمالدارى كولەمىنىڭ ازايۋىنا اكەپ سوقتىرماق.
اۆتوتاسىمالداۋشىلار وسى تۇيتكىلدى شەشۋ ءۇشىن قر كولىك ءمينيسترىنىڭ 2024 جىلعى 9 اقپانداعى № 61 بۇيرىعىنىڭ كۇشىن جويۋ ۇسىنادى.
ەكىنشىدەن, شەتەلدىك رۇقسات بلانكىلەرىن جاساندى تۇردە, قولدان تاپشى جاساپ, كەيىننەن ساتىلىپ جاتىر, دەيدى قازاتو وكىلدەرى.
وتاندىق تاسىمالداۋشىلارعا شەتەلدىك رۇقسات بلانكىلەرىن الۋدى شەكتەۋ ارقىلى جاساندى تۇردە رۇقسات بلانكىلەرىنىڭ تاپشىلىعى, جەتىسپەۋشىلىگى جاسالىپ, سول ارقىلى بلانكىلەرگە سۇرانىس ارتتىرىلادى.
ۇشىنشىدەن, تۇلعالارعا بەرۋ ماقساتىندا شەتەلدىك رۇقسات بلانكىلەرىن العان تۇلعالاردى جاۋاپقا تارتۋ – 150 اەك كولەمىندە ايىپپۇل سالۋ, حالىقارالىق اۆتوموبيلمەن تاسىمالداردى جۇزەگە اسىرۋعا رۇقسات بەرۋ كۋالىگى مەن كارتوچكالارىنىڭ كۇشىن جويۋ ۇسىنىلدى.
ال جوعارىداعىداي زاڭسىزدىقتارعا جول بەرگەن اۆتوكولىك قۇرالدارىنا رۇقسات بەرۋ كارتوچكالارىنىڭ بەرمەۋ ءۇشىن ولاردى VIN كودتارى بويىنشا قارا تىزىمگە ەنگىزىپ, 1 جىلعا دەيىن رۇقسات بەرۋ كارتوچكالارىن الۋىنا تىيىم سالۋ ۇسىنىلدى.
جۋرناليستەرمەن وتكەن جيىندا نەگىزگى حالىقارالىق كولىك دالىزدەرىندە ورنالاسقان اۆتوموبيل جولدارىنىڭ جاعدايى قاناعاتتانعىسىز, ناشار ەكەندىگى دە ايتىلماي قالعان جوق. ويتكەنى, «قازاۆتوجول» ۇك» اق سەنىپ تاپسىرىلعان مىندەتتەرىن ءتيىستى دەڭگەيدە ورىنداماي وتىر. سوندىقتان «قازاۆتوجول» ۇك» اق قىزمەتىنىڭ اشىق, ايقىن بولۋى ماقساتىندا, قر كولىك مينيسترلىگى اۆتوموبيل جولدارىنىڭ جاعدايى جونىندەگى ماسەلەلەردى شەشۋ ءۇشىن قر باس پروكۋراتۋراسى, قر سىبايلاس جەمقورلىققا قارسى ءىس-قيمىل اگەنتتىگى, قر قارجى مينيسترلىگى, «اتامەكەن» ۇكپ جانە قر حالىقارالىق اۆتوموبيلمەن تاسىمالداۋشىلار وداعىنىڭ (قازاتو) وكىلدەرى قاتىساتىن جۇمىس توبىن قۇرۋ ۇسىنىلدى.
حالىقارالىق اۆتوتاسىمالداۋشىلار ەۆرو-5 ەكولوگيالىق قاۋىپسىزدىك كلاسىنا سايكەس كەلمەيتىن كولىك قۇرالدارىن قازاقستان رەسپۋبليكاسىنىڭ اۋماعىنا اكەلۋگە قاتىستى تومەندەگىدەي تۇجىرىمدارىن العا تارتىپ وتىر.
ياعني, كولىك قۇرالى كونسترۋكتسياسىنىڭ قاۋىپسىزدىگى تۋرالى كۋالىكتىڭ كولىك قۇرالىنىڭ فوتوسۋرەتى ارقىلى نەمەسە كوزبەن شولۋ ارقىلى بەرىلۋىنە تىيىم سالۋ; ەۋرو-2 ەكولوگيالىق كلاسىنا جاتاتىن كولىك قۇرالدارىن قازاقستان رەسپۋبليكاسىنىڭ اۋماعىنا اكەلۋگە تىيىم سالۋ ۇسىنىلدى.
ماسەلەن, قر قم مكك قىزمەتكەرلەرى شەتەلدىك تاسىمالداۋشىلاردا قازاقستان رەسپۋبليكاسىنىڭ اۋماعىنا حالىقارالىق اۆتوموبيل تاسىمالدارىن جۇزەگە اسىرۋى كەزىندە رۇقسات بلانكىلەرى بولماعان جاعدايدا, ولاردى اۆتوموبيل كولىگى تۋرالى قر زاڭناماسىندا كوزدەلگەن اكىمشىلىك جاۋاپكەرشىلىككە تارتادى. «اكىمشىلىك قۇقىق بۇزۋشىلىق تۋرالى» قر كودەكسىنىڭ 573-بابىنىڭ 1-تارماعىنا سايكەس, اۆتوكولiك قۇرالدارىنىڭ جۇرگiزۋشiلەرiنە – 200, زاڭدى تۇلعالارعا 500 اەك مولشەرiندە ايىپپۇل سالۋعا اكەپ سوعادى.
حالىقارالىق اۆتوموبيلمەن تاسىمالداۋلار سالاسىنداعى ساياساتتى جەتىلدىرۋ جونىندەگى زاڭناماعا ەنگىزىلگەن تۇزەتۋلەر قابىلدانسا, مەملەكەتتىك كىرىستەر ورگاندارىنىڭ وكىلەتتىگىنە شەتەلدىك جۇك تاسىمالداۋشىلاردىڭ اۆتوكولىك قۇرالدارىنا ارنالعان شەتەلدىك رۇقسات بلانكىلەرىنىڭ بولۋ-بولماۋىن تەكسەرۋ مەن باقىلاۋ قىزمەتى كىرەتىن بولادى.
