قازاقستان تۇرعىندارىنا كەي ۇيالى سەرۆيس وپەراتورلارىنىڭ جۇمىسىندا اقاۋ بولۋى مۇمكىن ەكەنى ەسكەرتىلدى.
- اقاۋ عانا ەمەس, بيللينگ جۇيەلەرىن اۋىستىرۋ بويىنشا تۇندە دە جۇمىستار اتقارىلادى, سالدارىنان, كەي قىزمەتتەردىڭ جۇمىسىندا قىسقا مەرزىمدى ءۇزىلىس تۋىنداۋى مۇمكىن. ابونەنتتەر تۇسىنىستىك تانىتادى دەپ ۇمىتتەنەمىز. وپەراتور وسى وزگەرىستەر ابونەنتتەرگە بارىنشا ىڭعايلى بولۋى ءۇشىن بار كۇشىن سالادى, – دەدى Tele2 ءباسپاسوز قىزمەتى.
Activ/Kcell ابونەنتتەرىنە دە تەحنيكالىق ىركىلىس بولۋى مۇمكىن ەكەنى ايتىلدى.
- ۇكىمەتتىڭ UTC + 5 ۋاقىت بەلدەۋىنە كوشۋ تۋرالى قاۋلىسىنا سايكەس 29 اقپان 23:00 (UTC +6) مەن 1 ناۋرىز 06:00 (UTC +5) ارالىعىندا تەحنيكالىق جۇمىستار جۇرگىزىلۋىنە بايلانىستى قىزمەت شەكتەلۋى مۇمكىن. بانك, مەملەكەتتىك قىزمەتتەر جانە باسقا دا سەرىكتەستەر جۇرگىزەتىن ۋاقىت بەلدەۋىن وزگەرتۋ تەحنيكالىق جۇمىستارى قوسىمشا سەرۆيستەرگە اسەر ەتۋى مۇمكىن ەكەنىن اتاپ وتكىمىز كەلەدى", – دەپ مالىمدەدى Activ ءباسپاسوز قىزمەتى.
موبيلدىك وپەراتورلار جاڭا ساعات بەلدەۋىنە اۋىسۋعا بايلانىستى تەحنيكالىق جۇمىستار سالدارىنان شەكتەۋ بولماۋ ءۇشىن تاريفتەر تولەمىن الدىن الا تەكسەرۋگە كەڭەس بەرەدى.
