فوتو: ن.بايبۋلين
وتىرىستى اشقان ماۋلەن اشىمباەۆ قولجەتىمدى, تۇراقتى جانە زاماناۋي ەنەرگيا كوزدەرىن دامىتۋ قازىرگى تاڭدا ەلىمىز ءۇشىن وزەكتى ماسەلە ەكەنىن ايتتى. قازاقستاندا ەلەكتر جەلىلەرىنىڭ توزۋى جاعدايدى ودان ءارى ۋشىقتىرىپ وتىر. وسىعان بايلانىستى, بالامالى ەنەرگيا كوزدەرىنە باسا ءمان بەرۋدىڭ جانە «جاسىل ەكونوميكاعا» كوشۋدىڭ جۇيەلى تاسىلدەرىن قالىپتاستىرۋدىڭ ماڭىزى ارتىپ جاتىر.
«حالىقتىڭ ەلەكتر ەنەرگياسىمەن قامتىلعانىنا قاراماستان, بۇگىندە ەلەكتر جەلىلەرىنىڭ توزۋى ۇلكەن پروبلەما ەكەنى جاسىرىن ەمەس. ەلەكتر ەنەرگياسىن وندىرۋگە, گەنەراتسياعا اۋقىمدى ينۆەستيتسيا قاجەت. ەلىمىزدە گازداندىرۋ ءىسى ءالى دە بولسا ماڭىزدى مىندەت بولىپ قالىپ وتىر. جاڭارتىلاتىن ەنەرگيا كوزدەرىنىڭ ۇلەسى دە وتە تومەن ەكەنىن ايتا كەتكەن ءجون. مەملەكەت باسشىسى اتاپ وتكەندەي, «جاسىل ەكونوميكانى» دامىتۋ – ەلىمىزدىڭ قازىرگى كۇن تارتىبىندەگى نەگىزگى باسىمدىق بولۋى قاجەت. «جاسىل ەكونوميكاعا» كوشۋ حالىقتىڭ ءومىر ءسۇرۋ ساپاسىن ارتتىرۋعا جانە قورشاعان ورتاعا جۇكتەمەنى ازايتىپ, تابيعي رەسۋرستاردى ۇنەمدى پايدالانۋعا مۇمكىندىك بەرەدى. وسى ماقساتقا قول جەتكىزۋگە ىقپال ەتۋ – دەپۋتاتتىق كورپۋستىڭ نەگىزگى مىندەتتەرىنىڭ ءبىرى», دەدى ماۋلەن اشىمباەۆ.
پارلامەنتتىك كوميسسيانىڭ وتىرىسىنا سەنات جانە ءماجىلىس دەپۋتاتتارىمەن بىرگە ەنەرگەتيكا, ەكولوگيا جانە تابيعي رەسۋرستار مينيسترلەرى, قازاقستانداعى بىرىككەن ۇلتتار ۇيىمى دامۋ باعدارلاماسىنىڭ تۇراقتى وكىلى, ءوڭىر اكىمدىكتەرىنىڭ وكىلدەرى, سەنات جانىنداعى جاس ساراپشىلار كلۋبىنىڭ مۇشەلەرى, سونداي-اق, قوعامدىق جانە حالىقارالىق ۇيىمداردىڭ وكىلدەرى قاتىستى.
ءىس-شارا بارىسىندا قاتىسۋشىلار بىرلەسكەن جۇمىستى ءارى قاراي جانداندىرۋعا قاتىستى تىڭ باستامالارعا توقتالىپ, ۇسىنىستارىن ايتتى. ولاردىڭ ىسكە اسىرىلۋى الداعى كەزدەسۋلەردە تالدانىپ, ساراپتالادى.
