فوتو: Polisia.kz
ەكى ادام كەشكىلىك ۋاقىتتا قىستاقتان سۋىقبۇلاق اۋىلىنا شىققان. جول بويىندا تراكتوردىڭ جانارمايى قاتىپ قالعانىن جانە كەرى قايتايىن دەسە, اداسىپ كەتكەندەرىن ءارى قاتتى توڭعاندارىن ايتىپ, شۇعىل قىزمەتتەرگە بىرنەشە رەت قوڭىراۋ شالعان. كەيبىر جەرلەردە بايلانىس بولماعان ءارى تەلەفوننىڭ قۋات كوزى دە تاۋسىلۋعا شاق قالعان.
جارما اۋدانىنىڭ ۋچاسكەلىك پوليتسيا ينسپەكتورلارى دەرەۋ كومەككە شاقىرىلعان.
«ىزدەۋ جۇمىستارى وڭاي بولماعان, ويتكەنى اداسقاندار وزدەرىنىڭ كوورديناتتارىن بەرە المادى. پوليتسيا قىزمەتكەرلەرى داستان يمانوۆ پەن ەركەبۇلان سامالحان شامامەن باعىتتى ءتۇسىنىپ, تراكتور دوڭگەلەكتەرىنىڭ ىزىمەن شىققان جەردەن ادامداردى ىزدەۋ تۋرالى شەشىم قابىلدادى. نيۆا اۆتوكولىگىمەن دالانى ارالاپ ءجۇرىپ, پوليتسەيلەردىڭ وزدەرى قار قۇرساۋىندا قالىپ, كولىكتى تاستاپ, ءار مينۋت ماڭىزدى ەكەنىن ءتۇسىنىپ, ىزدەۋدى جالعاستىرۋعا شەشىم قابىلداعان. سول ۋاقىتتا اۋا تەمپەراتۋراسى -39-عا دەيىن جەتكەن. ءوز ومىرلەرىن قاتەرگە تىگىپ, ۇسىك شالعان پوليتسەيلەر 2 كم-دەن كەيىن تراكتورشىلاردى تاپتى», دەلىنگەن حابارلامادا.
