اتالعان اۋىل مەكتەبى مەن اباي اتىنداعى قازاق ۇلتتىق پەداگوگيكالىق ۋنيۆەرسيتەت اراسىندا ءوزارا مەموراندۋمعا قول قويۋ راسىمىمەن باستالعان مازمۇندى شارا بارىسىندا «پەداگوگيكالىق ولشەمدەر» زەرتحاناسى اشىلدى.
«مەكتەبىمىزدىڭ بيىلعى باستى جاڭالىعى – اباي اتىنداعى قازپۇۋ-مەن بىرلەسىپ «پەداگوگيكالىق ولشەمدەر» زەرتحاناسىن اشىپ وتىرمىز. بۇل جوبادان ۇلكەن ءۇمىت كۇتەمىز. سەبەبى وسى ۋنيۆەرسيتەتتىڭ عالىمدارى مۇعالىمدەرىمىزگە پەداگوگيكالىق قولداۋ كورسەتىپ, عىلىمي-پراكتيكالىق جۇمىستارعا جەتەكشىلىك ەتەتىن بولادى. ساباق ءوتۋ وفلاين جانە ونلاين فورماتتا جوسپارلانعان», دەدى مەكتەپ ديرەكتورى گۇلباقىت قاسىمجانوۆا.
ءوز كەزەگىندە وقۋ-اعارتۋ ءمينيسترىنىڭ كەڭەسشىسى جاۋىنباي قاراەۆ ءبىلىم بەرۋ ماسەلەسى قاي كەزدە دە وزەكتى ەكەنىن, ەلىمىزدەگى بارلىق مەكتەپتىڭ 75 پايىزعا جۋىعى اۋىلدىق جەردە ورنالاسقانىن, تۇپتەپ كەلگەندە, ورتا ءبىلىمنىڭ دەڭگەيى اۋىل مەكتەپتەرىنىڭ جالپى جاعدايىنا, ءبىلىم ساپاسىنا تىكەلەي بايلانىستى بولاتىنىن ءسوز ەتتى.
«بۇگىنگى تاڭدا ەلىمىزدە «جايلى مەكتەپ» باعدارلاماسى اياسىندا 800 مەكتەپ سالىناتىن بولسا, سونىڭ 400-ءى بيىل جۇزەگە اسادى. وسى جاڭا مەكتەپتەرگە مۇعالىمدەردى ساپالى دايىنداۋ ماقساتىندا ءبىز, 10-11-سىنىپتان باستاپ, وسى ماماندىققا ەرتە جاستان باۋليتىن پەداگوگيكالىق سىنىپتار اشۋدى ماقسات ەتىپ وتىرمىز. بۇل قادام وڭىرلىك پەداگوگتەردىڭ عىلىمي-زەرتتەۋ الەۋەتىن دامىتۋعا پراكتيكالىق ورتالىققا اينالۋعا, جايلى زاماناۋي مەكتەپ قۇرۋعا جانە وقۋشىلاردىڭ ءبىلىم بەرۋ ناتيجەسىن جاقسارتۋعا مۇمكىندىك بەرەدى», – دەدى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ اكادەميالىق ماسەلەلەر جونىندەگى دەپارتامەنت ديرەكتورى حايرۋللا جانبەكوۆ.
مەكتەپتە اشىلعان عىلىمي-پراكتيكالىق زەرتحانانىڭ فيليالى ۇستازدار بىلىكتىلىگىن ارتتىرىپ, وقۋشىلارعا جاڭا باعىتتا ءبىلىم بەرۋگە جول اشادى. بۇل مۇعالىم ساپاسىن جاقسارتۋمەن قاتار, تاپشىلىعىن جويۋعا دا سەپتىگىن تيگىزەدى.
الماتى وبلىسى
