اتىراۋ وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ باسقارما باسشىسى بەكبولات انەسوۆتىڭ مالىمەتىنە سۇيەنسەك, كەيىنگى ءۇش جىلدا وسىنداي ساناتتاعى 85 قۇقىق بۇزۋشىلىق تىركەلىپ وتىر. وسى كەزەڭدە دەپارتامەنتتىڭ تەرگەۋ وندىرىسىندە 145 قىلمىستىق ءىس بولعان. ونىڭ 107 ءىستى تەرگەۋ اياقتالىپ, 59-ى سوتقا جولدانعان. ال 48 قىلمىستىق ءىس قىسقارتىلعان. قىلمىستىق ىستەردەن كەلتىرىلگەن شىعىن كولەمى 10,9 ملرد تەڭگەنى قۇراپ وتىر. شىعىننىڭ 6,1 ملرد تەڭگەسى مەملەكەتكە قايتارىلىپ, 9,4 ملرد تەڭگەنىڭ مۇلكى تاركىلەندى. جالپى قايتارىلعان سوما – 15,5 ملرد تەڭگە.
كولەڭكەلى كاسىپتى قولعا العانداردىڭ اراسىندا زاڭسىز ويىن بيزنەسىن ۇيىمداستىرۋشىلار دا بار. ءۇش جىلدا وسى ىسكە قاتىستى 7 قىلمىستىق قۇقىق بۇزۋشىلىق تىركەلدى. ونىڭ ىشىندە ەكى دەرەك وتكەن جىلى انىقتالعان.
ماسەلەن, قۇرمانعازى اۋدانىندا تۇراتىن ايەل ءتورت جىل بۇرىن جەكە كاسىپكەر رەتىندە تىركەلگەن. بىراق پايداكۇنەمدىك ماقساتىندا يەلىگىندەگى عيماراتتا زاڭسىز ويىن بيزنەسىن ۇيىمداستىرىپ, بۋكمەكەرلىك كەڭسە اشقان. زاڭعا قايشى ارەكەتىن ىسكە اسىرۋ ءۇشىن بىرنەشە تەلەديدار ورناتىپ, كومپيۋتەرلىك قۇرىلعىلارعا ينتەرنەت جەلىسى بويىنشا «Mohio Keno Bet» قۇمار ويىنىن ترانسلياتسيالايتىن «Chashier Mohio» باعدارلامالىق ءونىمىن جابدىقتاعان. ءتىپتى قۇمار ويىندى سايتقا جۇكتەگەنى انىقتالدى. اگەنتتىكتىڭ جەرگىلىكتى دەپارتامەنت قىزمەتكەرلەرى 2023 جىلى 6 قاڭتاردا جەدەل ىزدەستىرۋ ءىس-شاراسىن جۇرگىزىپ, قۇقىق بۇزۋشىنىڭ زاڭعا قايشى ارەكەتىن اشكەرەلەدى. ال سوت كاسىپكەردىڭ باس بوستاندىعىن ءبىر جىل مەرزىمگە شەكتەۋگە ۇكىم شىعاردى.
«اتىراۋ قالاسىندا 2023 جىلدىڭ مامىر ايىنان وسى كەزگە دەيىن زاڭسىز ويىن بيزنەسىن ۇيىمداستىرۋ دەرەگى انىقتالدى. مۇندا پوكەر ويىنى ويناتىلعان نىسانعا ءتىنتۋ جۇرگىزىلدى. مەكەنجايدان 440 دانا پوكەر فيشكاسى, 294 دانا ويىن كارتاسى, ويىن توسەنىشتەرى, ۇيالى تەلەفوندار مەن 2 ملن 660 مىڭ تەڭگە اقشا قاراجاتى, باسقا دا ءىس ءۇشىن ماڭىزدى زاتتار الىندى», دەيدى بەكبولات انەسوۆ.
«ماگازين ۋ دوما» جەلىسىنىڭ وكىلى, كاسىپكەر ءلاززات دوسماعامبەتوۆانىڭ ايتۋىنشا, كولەڭكەلى كاسىپتىڭ كەسىرىنەن شاعىن جانە ورتا بيزنەستىڭ يەلەرى زارداپ شەگىپ وتىر. ءتۇرلى سەبەپپەن شاعىن دۇكەندەرگە تەكسەرۋ جۇرگىزىلەدى.
«بىراق ءىرى كوتەرمە ساۋدامەن اينالىساتىنداردى ەشكىم تەكسەرمەيدى. ولار قاجەتتى قۇجاتى جوق تاۋارلاردى شاعىن دۇكەندەرگە جەتكىزەدى. شاعىن دۇكەندەر مۇنداي تاۋارلاردى الۋعا ءماجبۇر بولادى. تەكسەرۋ كەزىندە جاۋاپكەرشىلىكتى دۇكەن يەلەرى كوتەرەدى», دەيدى ل.دوسماعامبەتوۆا.
پرەزيدەنتتىڭ «قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ جونىندەگى شارالار تۋرالى» 2022 جىلعى 14 ناۋرىزداعى جارلىعى بار. سوعان سايكەس ەلىمىزدەن قولما-قول شەتەل ۆاليۋتاسىن جانە (نەمەسە) اقشا قۇرالدارىن 10 مىڭ دوللاردىڭ بالاماسىنان اساتىن جانە ۇلتتىق بانكتىڭ كۇنى بەلگىلەنگەن باعامى بويىنشا ەسەپتەلگەن سومادا اكەتۋگە تىيىم سالىنادى. مۇنى اسىرەسە شەتەلگە شىعاتىن ەل ازاماتتارى مەن شەتەلدىكتەر ءبىلۋى كەرەك.
بىراق بۇل تالاپقا كوز جۇما قارايتىن وزگە ەلدىڭ ازاماتتارى زاڭسىز تابىستى قالتاعا باسۋدى كوزدەيتىنى بايقالادى. بۇعان گرۋزيانىڭ ازاماتىنىڭ ح.دوسپانوۆا اتىنداعى اتىراۋ حالىقارالىق اۋەجايىندا 90 مىڭ دوللارمەن ۇستالعانى دالەل. وبلىستىق مەملەكەتتىك كىرىستەر دەپارتامەنتى ءباسپاسوز قىزمەتىنىڭ مالىمەتىنشە, بۇل دەرەك 11 اقپاندا تىركەلگەن.
«ەۋرازيالىق ەكونوميكالىق وداقتىڭ كەدەندىك شەكاراسى ارقىلى «اتىراۋ-كۋتايسي» باعىتىنداعى №كس-7993 حالىقارالىق اۋە رەيسىنە تىركەۋ كەزىندە گرۋزيا رەسپۋبليكاسى ازاماتىنىڭ قول جۇگىندە 10 مىڭ دوللار بولعان.
«الايدا شەكارالىق باقىلاۋ بولىمشەسى مەن اتىراۋ وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرىمەن بىرگە كەدەندىك باقىلاۋ جۇرگىزىلىپ, شەتەلدىكتىڭ جۇگى تەكسەرىلدى. سول كەزدە گرۋزيا رەسپۋبليكاسى ازاماتىنىڭ چەمودانىنان 90 مىڭ دوللار تابىلدى. قوماقتى مولشەردەگى ۆاليۋتا كەدەندىك باقىلاۋدان جاسىرىلعان. شەتەلدىكتەن الىنعان 100 مىڭ دوللار «دحل ينتەرنەيشنل قازاقستان» جشس ۋاقىتشا ساقتاۋ قويماسىنا قابىلداۋ-تاپسىرۋ اكتىسىمەن ورنالاستىرىلدى», دەپ حابارلادى دەپارتامەنتتىڭ ءباسپاسوز قىزمەتى.
اتىراۋ وبلىسى
