فوتو: ءماجىلىس. ۆيدەوسكرين
دەپۋتات ا.ساعىندىقوۆا ءوز سوزىندە اتالعان ۆەدومستۆو قيىن احۋالداعى وتباسىلاردى قالاي انىقتايتىنىن, ولارعا قانداي قولداۋ شارالارى كوزدەلگەنىن سۇرادى.
ەڭبەك جانە حالىقتى الەۋمەتتىك قورعاۋ مينيسترلىگى وكىلىنىڭ ايتۋىنشا, بىلتىر قابىلدانعان الەۋمەتتىك كودەكس شەڭبەرىندە جاڭاشىلدىق ەنگىزىلدى, بۇل – وتباسىنىڭ تسيفرلىق كارتاسى.
«وتباسىنىڭ تسيفرلىق كارتاسى قازىرگى ۋاقىتتا باسقا دا مەملەكەتتىك ورگانداردىڭ تسيفرلىق جۇيەلەرىمەن بىرىكتىرىلگەن, سونىڭ ارقاسىندا ءبىز بارلىق قازاقستانداعى وتباسىلاردىڭ جاعدايى تۋرالى, ولاردىڭ قۇرامى تۋرالى اقپاراتتى الۋعا مۇمكىندىگىمىز بار. سونىمەن قاتار بىلتىر مينيسترلىكتىڭ حالىقتىڭ الەۋمەتتىك سالاۋاتتىعىن ايقىنداۋ بۇيرىعى قابىلدانعان. وسى ادىستەمە نەگىزىندە قازاقستانداعى وتباسىلار 5 دەڭگەيگە ءبولىنىپ, ولارعا سايكەس قانداي مەملەكەتتىك شارا قولدانۋدى الدىن الا ءبىلىپ وتىرامىز. بۇگىندە پراكتيكا تۇرىندە قىزمەت كورسەتۋگە مۇمكىندىك بار», دەدى مينيسترلىك وكىلى.
