فوتو: parlam.kz
«زاڭ جوباسىنداعى نورمانىڭ ءبىرى باقىلاۋ جانە قاداعالاۋ سۋبەكتىسىن الدىن الا حاباردار ەتپەي ستاتسيونارلىق تيپتەگى ينتەرناتتىق ۇيىمدارعا, سونداي-اق مەنشىك ءتۇرىنىڭ بارلىق نىساندارىنىڭ ءبىلىم بەرۋ ۇيىمدارىنا جوسپاردان تىس تەكسەرۋ جۇرگىزۋ بولىپ تابىلادى. بالالاردىڭ ساۋىقتىرۋ لاگەرىمەن بايلانىستى 2023 جىلعى رەزونانستىق وقيعالاردى ەسكەرە وتىرىپ مەملەكەتتىك بيۋدجەتتەن بالالاردى ەمدەۋگە, ءبىلىم بەرۋگە, ساۋىقتىرۋعا, تاماقتاندىرۋعا مەملەكەتتىك تاپسىرىس ورنالاستىرىلاتىن وبەكتىلەردە مەملەكەتتىك باقىلاۋدى جۇزەگە اسىرۋ بويىنشا بىرنەشە پروبلەما بار. ونى ءبىز دە تالقىلاعانبىز. جالپى مۇنداي نورما قاجەت. مەن ونى تولىعىمەن قولدايمىن. بىراق مىنانداي سۇراق تۋىندايدى. ناقتى قانداي ۇيىمدار ستاتسيونارلىق تيپتەگى ينتەرناتتارعا جاتاتىنىن ايتىپ بەرەسىز بە؟», دەدى د.مۇقاەۆ.
جۇلدىز دوسبەرگەنقىزى ينتەرنات ۇيىمدارىندا تۇراتىن بالالاردىڭ قۇقىقتارىن قورعاۋدى قامتاماسىز ەتۋ ءۇشىن الەۋمەتتىك ماڭىزى بار كەدەرگىسىز تەكسەرۋ جۇرگىزۋ جونىندەگى نورمالار كوزدەلگەنىن ايتتى.
«بۇل جابىق ينتەرناتتىق مەكەمەلەر. ونىڭ ىشىنە بالالار ءۇيى دە كىرەدى. سونىمەن قاتار ارنايى مەديتسينالىق جانە الەۋمەتتىك كومەك كورسەتەتىن ۇيىمداردى اتاۋعا بولادى. ءبىز مىسالى كوميتەتپەن قاراعاندى قالاسىنداعى وسىنداي ارنايى الەۋمەتتىك مەديتسينالىق كومەك كورسەتەتىن ورتالىققا باردىق. ول جەردەگى بالالار تۋعانىنان مۇگەدەك توسەككە تاڭىلعان بالالار. ولار ارنايى الەۋمەتتىك مەديتسينالىق كومەك مەكەمەلەرى دەپ اتالادى. مۇنداي مەكەمەلەرگە باقىلاۋ جۇرگىزۋ كەزىندە ەڭ الدىمەن ءبىر اي بۇرىن حابارلاما جىبەرىلەدى. سودان كەيىن عانا باقىلاۋشىلار ارنايى بارادى. سول كەزدە ولار ەشقانداي كەمشىلىكتەر تاپپايدى, بىراق رەزونانستىق وقيعالار بولىپ تۇرادى. بالا ولىمىنە قاتىستى وقيعالار دا بولدى. وسىنداي جاعدايلاردى بولدىرماس ءۇشىن ءبىز ارنايى حابارلاماسىز, ەسكەرتۋسىز بارىپ مەملەكەتتىك باقىلاۋدى ەنگىزۋدى ۇسىنىپ وتىرمىز. سونداي-اق ارنايى الەۋمەتتىك قىزمەتتەر كورسەتەتىن ۇيىمدارعا, بالالارعا ءبىلىم بەرۋ جانە ساۋىقتىرۋ قىزمەتتەرىن مىندەتتى ليتسەنزيالاۋدى ۇسىنامىز», دەپ جاۋاپ بەردى ول.
