جىلدىق كىتاپ كورمەسى ءۇش بولىمنەن تۇرادى. ء«ومىرى ونەگەمەن ورنەكتەلگەن» دەپ اتالاتىن العاشقى بولىمدە جازۋشىنىڭ ءومىرى مەن شىعارماشىلىعى تۋرالى ەنتسيكلوپەديالىق جيناقتار, مونوگرافيالار مەن جەكەلەگەن عىلىمي زەرتتەۋ ەڭبەكتەر كوپشىلىك نازارىنا ۇسىنىلعان.
«بەيىمبەت – ءسوز زەرگەرى» اتتى ەكىنشى بولىمدە جازۋشىنىڭ بۇگىندە ۇلتىمىزدىڭ رۋحاني يگىلىگىنە اينالعان پروزالىق شىعارمالارى, پەسا, ليبرەتتو, ستسەناريلەرى ورىن العان. «بەلەسى بيىك بي-اعا» دەپ اتالاتىن ءۇشىنشى بولىمدە وقىرمان بەيىمبەتتانۋشى توقتار بەيىسقۇلوۆتىڭ «قاناتتى قالامگەر», سەرىكقالي بايمەنشەنىڭ «بەيتانىس بەيىمبەت» اتتى ەڭبەكتەرىمەن تانىسا الادى.
جازۋشىنىڭ ەڭبەك جولى كەزىندە قوستانايداعى گۋبەرنيالىق «اۋىل» گازەتىنەن باستاۋ العانى بەلگىلى. مۇحامەدجان سەرالين مەن بەيىمبەت مايلين ۇيىمداستىرعان العاشقى وبلىستىق گازەت بۇگىنگى وقىرمانعا «قوستاناي تاڭى» دەگەن اتاۋمەن ەتەنە تانىس. كەش بارىسىندا وڭىرلىك باسىلىمنىڭ باس رەداكتورىنىڭ ورىنباسارى اسلان قانعوجين ءسوز الىپ, كوپشىلىككە قالامگەردىڭ جۋرناليستىك قىزمەتى مەن پۋبليتسيستيكالىق مۇراسى جونىندە اڭگىمەلەپ بەردى.
قوستاناي وبلىسى
