دەپۋتاتتارعا ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرىنە قاتىستى زاڭ جوباسىن ءبىرىنشى وقىلىمدا تالقىلاۋ ۇسىنىلادى. قۇجات ءماجىلىس دەپۋتاتتارىنىڭ باستاماسىمەن مەملەكەت باسشىسىنىڭ وتباسىلىق جانە تۇرمىستىق سالالارداعى زورلىق-زومبىلىقتى قىلمىستىق جاۋاپكەرشىلىككە تارتۋ جانە كامەلەتكە تولماعاندارعا قاتىستى زورلىق-زومبىلىقتىڭ كەز كەلگەن ءتۇرى ءۇشىن جازانى قاتاڭداتۋ تۋرالى تاپسىرماسىن ورىنداۋ ماقساتىمەن ازىرلەندى.
سونىمەن قاتار اقپاراتقا قول جەتكىزۋ جانە قوعامدىق قاتىسۋ ماسەلەلەرى بويىنشا زاڭ جوباسى دا ءبىرىنشى وقىلىمدا قارالادى. بۇل مۇگەدەكتىگى بار ادامداردىڭ اقپاراتقا قول جەتكىزۋىن قامتاماسىز ەتۋ تەتىكتەرى مەن قۇرالدارىن بەكىتەدى جانە اقپاراتقا قول جەتكىزۋدى قامتاماسىز ەتۋ سالاسىنداعى مەملەكەتتىك باقىلاۋدى كۇشەيتەدى.
سونداي-اق ءماجىلىس كوميتەتتەرى كەيبىر زاڭنامالىق اكتىلەرگە ولاردى كونستيتۋتسيا نورمالارىنا سايكەس كەلتىرۋ تۋرالى جانە قۇقىق قورعاۋ قىزمەتى تۋرالى زاڭ جوبالارىن جۇمىسقا قابىلدايدى.
