ايتا كەتۋ كەرەك, وسى ۋاقىتقا دەيىن ديماش بىردە-ءبىر مەكەمەدە ءدال وسىنداي كەزدەسۋ وتكىزبەگەن. ەڭ العاشقى جۇزدەسۋىن شەكارا اكادەمياسىنان باستاۋى جاس كۋرسانتتار ءۇشىن ۇلكەن قۋانىش بولدى. « ۇلىق بولساڭ, كىشىك بول» دەگەن اتا-بابا ءتامسىلىن بەرىك ۇستانعان ايگىلى ءانشى كەزدەسۋگە قاتىسقان قوناقتاردى ءوزىنىڭ قاراپايىمدىلىعىمەن, مادەنيەتتىلىگىمەن قايران قالدىردى.
انشىمەن سۇحبات بارىسىندا پولكوۆنيك د.بەلعوجاەۆ پەن مايور ا.دوستاەۆ وعان ەكى تىلدە سۇراق قويىپ, كەزدەسۋدى جۇرگىزىپ وتىردى. ورىس تىلىندە قويىلعان ساۋالدارعا دا مەملەكەتتىك تىلدە عانا جاۋاپ بەرگەن ديماش ءوزىنىڭ ءتىل جاناشىرى ەكەنىن بايقاتتى. كۋرسانتتار دا وعان كوكەيلەرىندە جۇرگەن ساۋالدارىن جولدادى. سوڭىنان ولاردىڭ ءبىرى ديماشقا جاسىل كۇنقاعارلى شەكاراشىلاردىڭ فۋراجكاسىن سىيعا تارتسا, ەندى ءبىرى الەكساندر بەكتىڭ «ارپالىس» كىتابىن تارتۋ ەتتى. ساناۋلى ايدان كەيىن قوس جۇلدىزدى يىعىنا قاداپ, لەيتەنانت اتاناتىن تۇلەكتەردىڭ ءبىرى, كۋرسانت ن.الداجۇمان ديماشتى ماۋسىم ايىندا وتەتىن لەيتەنانتتار كەشىنىڭ قۇرمەتتى قوناعى بولۋعا شاقىرىپ, ءوتىنىش جاسادى. ءارى قاراي كۋرسانتتار شەكارا اكادەمياسىنىڭ ءانۇرانىن ناقىشىنا كەلتىرە شىرقادى.
كەزدەسۋ كەشىندە «جاس شەكاراشى» بالالار اسكەري-پاتريوتتىق كلۋبىنىڭ تاربيەلەنۋشىلەرى دە انشىگە ءبىر قۇشاق گ ۇلى مەن «قازاقستان» شوكولادىن سىيعا تارتتى. ديماش قۇدايبەرگەننىڭ قىزىقتى اڭگىمەلەرىن مۇقيات تىڭداعان كۋرسانتتار مەن اسكەري قىزمەتشىلەر مۇنداي قايتالانباس كەشتىڭ ءاربىر ءساتىن قالت جىبەرمەي, كەزەك-كەزەك ەستەلىك سۋرەتكە ءتۇسىپ, مارە-سارە بولدى.
كەزدەسۋ سوڭىندا اكادەميا باسشىلىعى كەزدەسۋگە ارنايى كەلىپ, كۋرسانتتارمەن جانە اسكەري قىزمەتشىلەرمەن تاعىلىمدى كەش وتكىزگەنى ءۇشىن ديماش قۇدايبەرگەنگە ريزاشىلىقتارىن ءبىلدىرىپ, العىسىن ايتتى.
