شاكەن ايمانوۆ (شاھكەرىم) 1914 جىلى 15 اقپاندا قازىرگى پاۆلودار وبلىسىنىڭ باياناۋىل اۋدانىندا تۋعان. قازاق ونەرىنىڭ باعىنا جارالعان جارىق جۇلدىز, وتاندىق كينو ونەرىنىڭ دامۋىنا زور ۇلەس قوسقان, ءومىرى پاراسات پەن ونەگەگە ورىلگەن تۇلعانىڭ عۇمىرى – بۇگىنگى ۇرپاققا ونەگە. ول ۇلتتىق تەاتر ونەرى مەن كينو سالاسىنىڭ قالىپتاسىپ, دامۋى ءۇشىن بۇكىل عۇمىرىن ارنادى.
ش.ايمانوۆتىڭ رەجيسسەرلىگىمەن 11 كينوفيلم تۇسىرىلسە, تاعى 11 كينوتۋىندىدا ءوزى اكتەر بولىپ ويناعان. كينو ونەرىندەگى جارقىن ەڭبەگى ءۇشىن كسرو مەملەكەتتىك سىيلىعىمەن, بايسەيىتوۆا اتىنداعى قازاق كسر مەملەكەتتىك سىيلىعىمەن, لەنين, ەڭبەك قىزىل تۋ, «قۇرمەت بەلگىسى» وردەندەرىمەن ماراپاتتالعان.
كەشتە ش.ايمانوۆ ورىنداعان حالىق اندەرى شىرقالىپ, تۋىندىلارى پاش ەتىلدى. بۇقار جىراۋ اتىنداعى ادەبيەت جانە ونەر مۋزەيى جينالعاندار نازارىنا ايگىلى جەرلەسىمىزگە قاتىستى فوتوسۋرەتتەر مەن جەكە زاتتارىنان تۇراتىن كورمەنى ۇسىندى.
ءىس-شارا ۇيىمداستىرۋشىسى ەستاي اتىنداعى مادەنيەت سارايىنىڭ باسشىسى ساپار شايحيموۆتىڭ ايتۋىنشا, ق.ابۋسەيىتوۆ اتىنداعى مادەني-ساۋىق ورتالىعىندا 15 اقپاننان شاكەن كينولارى تەگىن كورسەتىلە باستادى. كورەرمەندەر ءبىر اپتا بويى «الدار كوسە», «تاقيالى پەرىشتە», «جامبىل», ء«بىزدىڭ سۇيىكتى دارىگەر», ء«بىز وسىندا تۇرامىز», «دالا قىزى», ء«ان شاقىرادى», «اتامەكەن» فيلمدەرىن تاماشالاي الادى.
پاۆلودار
