شىمكەنت قالاسىنداعى اۆياتسيا بازاسىنىڭ ۇشۋ-قونۋ جولاعىندا قورعانىس ءمينيسترى «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى گەنەرال-مايور قۋانىشبەك ۇشتاەۆتىڭ قۇرامالار مەن اسكەري بولىمدەردىڭ جاۋىنگەرلىك جانە جۇمىلدىرۋ دايىندىعى تۋرالى بايانداماسىن قابىلدادى.
شىمكەنتتە قورعانىس ءمينيسترى گەنەرال-پولكوۆنيك رۋسلان جاقسىلىقوۆتىڭ قالا اكىمى عابيت سىزدىقبەكوۆپەن كەزدەسۋى ءوتتى. ەكى جاق اسكەري ينفراقۇرىلىم نىساندارىن سالۋ, ولاردى جوندەۋ جانە پايدالانۋ سالاسىنداعى ىنتىماقتاستىق ماسەلەلەرىن تالقىلادى.
شىمكەنت گارنيزونىنىڭ 36814 اسكەري بولىمىندە گەنەرال-پولكوۆنيك رۋسلان جاقسىلىقوۆ كومانديردىڭ بولىمشەلەردىڭ ماقساتتارى, جاۋىنگەرلىك مۇمكىندىكتەرى مەن جاساقتالۋى تۋرالى بايانداماسىن تىڭدادى. قورعانىس ءمينيسترى جاۋىنگەرلىك دايارلىقتىڭ ساپاسىن ارتتىرۋىنا, ءبولىمنىڭ قارۋ-جاراقپەن جانە اسكەري تەحنيكامەن جاراقتاندىرىلۋىنا باسا نازار اۋداردى. بۇنىڭ ءبارى اسكەري قىزمەتشىلەردىڭ مورالدىق-جاۋىنگەرلىك رۋحىنا بايلانىستى ەكەنىن اتاپ ءوتتى.
بۇدان بولەك قورعانىس ۆەدومستۆوسىنىڭ باسشىسى اسكەري بولىمدەردە اسكەريلەرگە جاسالعان تۇرعىن ءۇي-تۇرمىستىق جاعدايمەن تانىسىپ, كازارمالاردى, اسحانالاردى جانە الەۋمەتتىك-مادەني نىسانداردى ارالادى.
شىمكەنت قالاسىنداعى اۋە قورعانىسى كۇشتەرىنىڭ اۆيابازاسىندا گەنەرال-پولكوۆنيك رۋسلان جاقسىلىقوۆ ۇشۋ ەكيپاجىنا پيلوتاج جانە اۆياتسيالىق زاقىمداۋ قۇرالدارىن قولدانۋ مىندەتتەرىن پىسىقتاۋعا مۇمكىندىك بەرەتىن ءبولىمنىڭ ينفراقۇرىلىمىن, اۆياكومپانيالاردى قارادى.
جۇمىس ساپارىنىڭ سوڭىندا قورعانىس ءمينيسترى جاۋىنگەرلىك دايارلىقتىڭ ساپاسىن ارتتىرۋ, اسكەرلەردىڭ جاۋىنگەرلىك ازىرلىگى جانە اسكەري ينفراقۇرىلىم وبەكتىلەرىن جايلاستىرۋ جونىندە بىرقاتار تاپسىرما بەردى.
