فوتو: اۋىل شارۋاشىلىعى مينيسترلىگى
جەردى قايتارۋ جۇمىستارى مەملەكەت باسشىسىنىڭ تاپسىرماسىنا سايكەس جۇزەگە اسىرىلىپ جاتىر. بۇل باعىتتاعى شارالار كوميتەت پەن اۋماقتىق بولىمشەلەردىڭ, قۇقىق قورعاۋ ورگاندارىنىڭ جانە «AMANAT» پارتياسىنىڭ «جەر اماناتى» جوباسى كوميسسياسىنىڭ قاتىسۋىمەن كەشەندى تۇردە اتقارىلىپ كەلەدى.
ىلە الاتاۋىنىڭ تاۋ بوكتەرىندەگى جەر تەلىمى مەملەكەتكە قايتارىلدى
مۇرات تەمىرجانوۆتىڭ ايتۋىنشا, مەملەكەتكە قايتارىلعان 14,8 ملن گەكتار جەردىڭ 10,8 ملن گەكتارى قايتا بولىنگەن. ونىڭ ىشىندە:
– 6,7 ملن گەكتار جەر كونكۋرس ارقىلى بەرىلگەن;
– 4,1 ملن گەكتار جەر ورتاق پايدالانۋعا بەكىتىلگەن.
سونىمەن قاتار بۇرىن يگەرىلمەي كەلگەن 5,2 ملن گەكتار جەر ءتيىستى شارالاردان كەيىن قايتادان شارۋاشىلىق اينالىمعا ەنگىزىلگەن.
جەر رەسۋرستارىن ءتيىمدى پايدالانۋ ماقساتىندا جالپى كولەمدى باقىلاۋ اياسىندا 7 100-دەن استام تەكسەرۋ جۇرگىزىلگەن. ناتيجەسىندە 5 300-دەن استام بۇزۋشىلىقتى جويۋ تۋرالى نۇسقاما بەرىلگەن.
ۆەدومستۆو مالىمەتىنشە, اتقارىلىپ جاتقان جۇمىستاردىڭ نەگىزگى ماقساتى – جەر رەسۋرستارىن ءتيىمدى پايدالانۋ, ءبولۋدىڭ اشىقتىعىن قامتاماسىز ەتۋ جانە جەردى ەكونوميكالىق اينالىمعا تارتۋ.
