فوتو: ۇكىمەتتىڭ ءباسپاسوز قىزمەتى
ۇكىمەت وتىرىسىندا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ, دەنساۋلىق ساقتاۋ ءمينيسترى اقمارال ءالنازاروۆا, قارجى ءمينيسترى ءمادي تاكيەۆ, توتەنشە جاعدايلار ءمينيسترى شىڭعىس ءارىنوۆ انت بەردى.
«قازاقستان حالقى مەن پرەزيدەنتى الدىندا ءوز وتانىم – قازاقستاننىڭ ەكونوميكالىق جانە رۋحاني دامۋ ىسىنە بارلىق كۇش-جىگەرىم مەن ءبىلىمىمدى جۇمساۋعا, مەملەكەتتىڭ كونستيتۋتسياسى مەن زاڭدارىن قاتاڭ ساقتاۋعا, ءوزىمنىڭ بارلىق ءىس ارەكەتىمدە زاڭدىلىق پەن ادىلەتتىلىك, ازاماتتىق, ۇلتارالىق جانە كونفەسسياارالىق تاتۋلىق پرينتسيپتەرىن ۇستانۋعا, قازاقستان حالقىنا ادال قىزمەت ەتۋگە, ءوز ەلىمنىڭ مەملەكەتتىلىگى مەن دۇنيەجۇزىلىك قوعامداستىقتاعى بەدەلىن نىعايتا بەرۋگە سالتاناتتى تۇردە انت ەتەمىن», دەلىنگەن انت ماتىنىندە.
بۇدان سوڭ پرەمەر-مينيستر ولجاس بەكتەنوۆ مينيسترلەردى جاڭا قىزمەتىمەن قۇتتىقتاپ, ساتتىلىك تىلەدى.
