بەينەجازبادا جانىبەك ءوزىنىڭ اۋىسىپ كەتكەنىن قابىلداۋ قيىنعا سوعىپ جاتقانىن دا جاسىرماعان.
"سالەم, دوستار.
مەن تۋعان جەرىمە قازاقستانعا بارعاننان كەيىن جەرگىلىكتى مەديادا شەتەلگە بالا ساتۋ ماسەلەسى ءجيى تالقىلانا باستادى. بىراق, مەن شىنىمەن اۋىسىپ كەتكەن سياقتىمىن. ماعان بۇل ويدى قابىلداۋدىڭ ءوزى قيىن. ويتكەنى مەنى ەمەس, باسقا بالانى اسىراپ الۋى كەرەك ەدى. مەن جاقىندا بيولوگيالىق انامدى تابامىن دەپ ۇمىتتەنەمىن. ارقالىق پوليتسيا باسقارماسى پەرزەنتحانا مەن بالالار ۇيىندە قىلمىستىق ءىس بويىنشا جۇمىس ىستەپ جاتىر. مەنىمەن جاستى ۇلى بار ايەلدىڭ ءبارى دنق تاپسىرسا دەگەن ءوتىنىشىم بار. ماعان قولداۋ كورسەتكەندىرىڭىز ءۇشىن راقمەت, جاڭالىق بولسا, ايتىپ وتىرامىن", - دەيدى ول.
سونىمەن قاتار, ول بالا كەزىندەگى سۋرەتىن كورسەتىپ, ونىڭ قاشان, قايدا تۇسىرىلگەنىن باياندايدى.
"قۇرمەتتى اكەلەر, انالار, ۇلدار مەن قىزدار!
انام تابىلسا, ءوزىمنىڭ كىم ەكەنىمدى بىلسەم دەگەن ارمانىمنىڭ الداعى ۋاقىتتا ورىندالاتىنىن جۇرەگىممەن سەزىپ ءجۇرمىن.
وسى سۇراقتىڭ جاۋابىن تابۋ جولىندا ۇلكەن ءىس اتقارىپ جاتقانىمىز تۋرالى ايتقىم كەلدى.
ۆيدەوداعى سۋرەتىم 2003-2004 جىلدارى تۇسىرىلگەن بولسا كەرەك, بۇل ارقالىقتان العان العاشقى فوتو. بۇل فوتو مەنى اسىراپ الۋعا قاتىستى رەسمي قۇجاتتاردا پايدالانىلعان.
سىزدەرگە دە ساتتىلىك تىلەيمىن, كەزدەسكەنشە", - دەپ جازعان جانىبەك.
