جاڭاشىلدىققا جانى قۇمار نۇرداۋلەت بايحانوۆ مۇنايلى وڭىردەگى ورتا مەكتەپتى بىتىرگەن. ول قۇراستىرعان قوسىمشانىڭ ەرەكشەلىگى كوپ. بىرىنشىدەن, ۇبت سۇراقتارىنا دايىندالۋعا, ەكىنشىدەن, ساراپتاما جاساۋعا, ۇشىنشىدەن, جەكە جانە توپتىق سايىس وتكىزۋگە, تورتىنشىدەن, ونى تەگىن پايدالانۋعا بولادى.
«ۇبت-عا دايىندالۋدىڭ جۇيكەگە سالماق تۇسىرەتىنىن بىلەمىن. سول سەبەپتەن, بۇل قوسىمشا «100 مىڭ وقۋشىعا قالاي كومەكتەسە الامىز؟» دەگەن ىزدەنىستەن تۋىندادى. ماقساتىم – بيىل 100 مىڭ تۇلەكتىڭ وسى باعدارلامانى پايدالانىپ, مەملەكەتتىك گرانتپەن جوعارى وقۋ ورىندارىنا تۇسۋىنە كومەكتەسۋ. ءار تۇلەكتىڭ ءبىلىمىن جەتىلدىرۋىنە كىشكەنە بولسا دا ۇلەسىمدى قوسقىم كەلدى», دەيدى نۇرداۋلەت بايحانوۆ.
ونىڭ پىكىرىنشە, بىلىكتى مامان اتانۋ ءۇشىن الدىمەن ۇبت سىناعىنان جوعارى بالل الۋ قاجەت. جاستار مەملەكەتتىك گرانتپەن جوعارى ءبىلىم الىپ, مامان اتانسا, ەلىمىزدىڭ الەمدىك دەڭگەيگە تانىلۋىنا ۇلەسىن قوسار ەدى.
«شوقان ءۋاليحانوۆتىڭ «حالىقتىڭ كەمەلىنە كەلىپ, وركەندەپ, ءوسۋى ءۇشىن ەڭ الدىمەن ازاتتىق پەن ءبىلىم قاجەت» دەگەنىن ۇدايى جادىمدا ۇستاپ جۇرەمىن. مەن دە ەلىمنىڭ دامۋىنا ۇلەسىمدى قوسىپ, حالقىمىزدىڭ جاعدايى جاقسارعانىن قالايمىن», دەيدى جاڭاشىل ستۋدەنت.
تالاپتى جاستىڭ ايتۋىنشا, UNAI قوسىمشاسىن پايدالانۋ ءۇشىن App Store جانە Play market باعدارلاماسى ارقىلى جۇكتەۋ كەرەك. قوسىمشاعا تىركەلگەن سوڭ, باستاپقى بەتتەگى «ويناۋ» باتىرماسى ارقىلى بىردەن ۇبت-عا دايىندىقتى باستاۋعا بولادى. ال ارنايى نۇسقاۋلىقتى unai.kz Instagram نەمەسە TikTوk پاراقشاسىنان كورۋگە مۇمكىندىك بار.
اتىراۋ وبلىسى
