كوللاج: qaz365.kz
دينارا زاكيەۆانىڭ ايتۋىنشا, الماتىدا كىسى قولىنان كوز جۇمعان 4 جاسار بالاعا قاتىستى سوت پروتسەسى ءالى ءجۇرىپ جاتىر. ال اقپان ايىنىڭ ورتاسىندا الماتى وبلىسىنداعى 3 جاسار ەگىزدەر مەن ولاردىڭ ۇلكەن اپكەسىن زورلاۋ ءىسى بويىنشا سوت باستالادى.
«قوعامدى ءدۇر سىلكىندىرگەن وسىنداي قورقىنىشتى وقيعالار ءبىر ۇلكەن ماسەلەنىڭ, دالىرەك ايتقاندا, ايەلدەر مەن بالالارعا زورلىق-زومبىلىق كورسەتۋدىڭ, جاقىن ادامدار مەن تۋىستاردىڭ قولىنان قازا تابۋدىڭ جيىلەپ كەتكەنىن بىلدىرەدى. كۇن سايىن قانداي دا ءبىر قىلمىس جاسالعانى تۋرالى حابارلاما الىپ, بالالار مەن ايەلدەرگە تونگەن قاۋىپ پەن ادىلەتسىزدىكتى, ازاپتى كورە وتىرىپ, مەن ءالى كۇنگە دەيىن تۇرمىستىق زورلىق-زومبىلىقتى اقتاۋعا تىرىساتىن ادامداردىڭ بار ەكەنىن بىلەمىن», دەدى دينارا زاكيەۆا.
بالا قۇقىقتارى جونىندەگى ۋاكىل اتاپ وتكەندەي, زورلىق-زومبىلىق ارەكەتتەرىنە بارعان ادامداردى قاتاڭ تۇردە جازالاۋ كەرەك, ولارعا ەشقانداي جەڭىلدىك تە بەرمەۋ قاجەت.
«سالتانات نۇكەنوۆانىڭ ءىسى بويىنشا سوتقا دەيىن نەمەسە سوت پروتسەسى كەزىندە سوتتالۋشىنى اقتاۋ ماقساتىندا ناقتى فاكتىلەردى قاساقانا بۇرمالاۋعا ارەكەت جاسالاتىنى تۋرالى اقپارات پايدا بولدى. كەيبىر ادامدار «بيشىمباەۆتى اقتاۋ ناۋقانىنا» كىرىسىپ تە كەتتى. ادامداردىڭ بۇعان قالاي قاتىسا الاتىنىن, زورلىق-زومبىلىقتى قالاي عانا اقتاپ شىعاتىنىن ءتۇسىنۋ مۇمكىن ەمەس. سوندىقتان اتالعان ءىس بويىنشا سوت پروتسەسى ءادىل وتەتىنىن, جازادان قۇتىلىپ كەتۋگە جول بەرىلمەيتىنىن انىق ءبىلدىرۋىمىز كەرەك», دەپ جازدى دينارا زاكيەۆا.
بۇدان بولەك ومبۋدسمەن زورلىق-زومبىلىقپەن كۇرەس جولىندا «زاڭنىڭ ۇستەمدىگى مەن قۇقىق ءتارتىبى» قاعيداتىن قاتاڭ ۇستانۋ قاجەت ەكەنىن ايتتى.
«ەل پرەزيدەنتىنىڭ تاپسىرماسىنا سايكەس ءبىز, دەپۋتاتتار مەن مەملەكەتتىك ورگاندار قىركۇيەك ايىنىڭ باسىندا زاڭ جوباسىن دايىندادىق. بۇل رەتتە مەملەكەت باسشىسى زورلىق-زومبىلىقتىڭ كەز كەلگەن تۇرىنە «مۇلدەم توزبەۋشىلىكتى» دامىتۋ قاجەت ەكەنىن اتاپ ءوتتى. بۇل ارقايسىمىزعا دا بايلانىستى. مەن ءوز قۇزىرەتىمنىڭ شەڭبەرىندە سوت بارىسىن ءجىتى قاداعالايتىن بولامىن. ءبىز سانالى قوعام رەتىندە ايەلدەر مەن بالالارعا جاسالاتىن زورلىق-زومبىلىقتىڭ ءار جاعدايىندا ادىلدىكتىڭ جاعىندا بولۋىمىز كەرەك», دەپ قورىتىندىلادى دينارا زاكيەۆا.
ەسكە سالايىق, 2023 جىلدىڭ 9 قاراشاسىندا بۇرىنعى ۇلتتىق ەكونوميكا ءمينيسترى قۋاندىق بيشىمباەۆ ءوز ايەلىن ءولتىردى دەگەن كۇدىككە ءىلىنىپ, قاماۋعا الىنعانى بەلگىلى بولدى.
كەيىن ىشكى ىستەر مينيسترلىگى قۋاندىق بيشىمباەۆقا «اسا قاتىگەزدىكپەن جاسالعان كىسى ءولتىرۋ» بابىمەن قوسا, «ازاپتاۋ» بابى بويىنشا ايىپ تاعىلعانىن حابارلادى.
