فوتو: inbusiness.kz
2023 جىلى استىق ەگەتىن وڭىرلەردىڭ اۋىل شارۋاشىلىعى تاۋارىن وندىرۋشىلەرى قولايسىز اۋا رايىنان زارداپ شەكتى. بۇل جاعداي ءبىرىنشى كەزەكتە ولاردىڭ قارىزدارىن وتەۋ مۇمكىندىگىنە اسەر ەتتى.
اگروونەركاسىپ كەشەندەرىن قارجىلاندىرۋدا «اگرارلىق نەسيە كورپوراتسياسى» اق جانە «قازاگروقارجى» اق قارجى ينستيتۋتتارى ايتارلىقتاي ۇلەسكە يە. اگروسەكتوردىڭ كرەديتتىك پورتفەلىندەگى اگرارلىق نەسيە كورپوراتسياسى مەن «قازاگروقارجى» ۇلەسى 77 پايىزدان اسادى, شارۋالاردىڭ شامامەن 28% پايىزى اگرارلىق ماقساتتا نەسيە العان.
مەملەكەت باسشىسىنىڭ شارۋالاردى قولداۋ جونىندەگى تاپسىرماسىن ورىنداۋ اياسىندا 50 ملرد تەڭگە نەسيەنى ۇزارتۋ وتىنىمدەرى ماقۇلداندى.
ايداربەك ساپاروۆ اگرارلىق نەسيە كورپوراتسياسى مەن «قازاگروقارجىعا» ەگىن ەگۋ جۇمىستارىنا جەڭىلدىكپەن نەسيە بەرۋ كەزىندە قولداۋ مەن ەرەكشە نازار اۋدارۋدى قاجەت ەتەتىن شاعىن كاسىپكەرلىك نىساندارىن قارجىلاندىرۋ ماسەلەسىنە باسا نازار اۋدارۋ كەرەك ەكەنىن ايتتى. سونىمەن قاتار مينيستر شارۋالاردىڭ قارىزدارىن ۇزارتۋ بويىنشا دا بىرقاتار تاپسىرما جۇكتەدى.
