دەپۋتاتتار ءبىرىنشى وقىلىمدا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ولاردى قازاقستان رەسپۋبليكاسى كونستيتۋتسياسىنىڭ نورمالارىنا سايكەس كەلتىرۋ ماسەلەلەرى بويىنشا وزگەرىستەر مە تولىقتىرۋلار ەنگىزۋ تۋرالى» زاڭ جوباسىن قارايدى. قۇجات مەملەكەتتىك قىزمەت سالاسىنداعى زاڭنامانى كونستيتۋتسيالىق نورمالارعا سايكەستەندىرۋ ماقساتىمەن ازىرلەنگەن.
ەكىنشى وقىلىمدا پارلامەنت دەپۋتاتتارى باستاماشى بولعان حالىقتىڭ كوشى-قونى سالاسىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسى ۇسىنىلادى. وندا كامەلەتكە تولماعانداردىڭ جىنىستىق تيىسپەۋشىلىگىنە قارسى قىلمىستارى ءۇشىن سوتتالعان شەتەلدىكتەرگە ەلىمىزگە كىرۋدى جانە ەلدىڭ ازاماتتىعىن الۋدى شەكتەۋ ۇسىنىلادى. سونىمەن قاتار ەكسترەميستىك نەمەسە تەرروريستىك ارەكەتكە قاتىسى بار شەتەلدىكتەردىڭ ەلگە كىرۋىنە تىيىم سالىنادى.
الداعى جالپى وتىرىستا قازاقستان مەن تۇركيا ۇكىمەتتەرى اراسىنداعى حالىقارالىق قۇرامداستىرىلعان جۇك تاسىمالدارى تۋرالى كەلىسىمدى راتيفيكاتسيالاۋ تۋرالى زاڭ جوباسى دا قارالادى.
ءماجىلىس كوميتەتتەرى قاۋىپسىز ەڭبەك جاعدايلارىن جەتىلدىرۋ جانە جۇمىسكەرلەردىڭ ەڭبەك قۇقىقتارىن قورعاۋ ماسەلەلەرى, سونداي-اق جانۋارلارعا جاۋاپكەرشىلىكپەن قاراۋ تۋرالى جاڭا زاڭ جوبالارىن جۇمىسقا الادى.
