فوتو: akorda.kz
قاسىم-جومارت توقاەۆ قازاقستان ازاماتتارىنىڭ جانە جەكە ءوزىنىڭ اتىنان سي تسزينپين مەن قىتاي حالقىن «چۋنتسزە» مەرەكەسىمەن قۇتتىقتادى.
«قىتاي حالىق رەسپۋبليكاسىنىڭ قۇرىلعانىنا 75 جىل تولۋىمەن تۇسپا-تۇس كەلەتىن بيىلعى ايداھار جىلى مەملەكەتىڭىزدى ودان ءارى وركەندەتۋ جولىندا جەتىستىكتەرگە تولى بولارىنا سەنىمدىمىن. وسى تۇستا ءسىزدىڭ ماڭىزدى ستراتەگيالىق باستامالارىڭىز بەن تىڭ جوسپارلارىڭىزدىڭ ءساتتى جۇزەگە اسا بەرۋىنە شىنايى تىلەكتەسپىن. ەكى ەل اراسىنداعى ىنتىماقتاستىقتىڭ «التىن 30 جىلدىعى» اياسىندا يگى ماقسات-مىندەتتەرىمىزگە قول جەتكىزىپ, حالىقتارىمىزدىڭ جارقىن بولاشاعى جولىنداعى سىندارلى ارىپتەستىگىمىزدى جاڭا دەڭگەيگە كوتەرۋگە ايرىقشا ءمان بەرەمىن», دەپ جازىلعان جەدەلحاتتا.
قاسىم-جومارت توقاەۆ سي ءتسزينپيننىڭ اسا جاۋاپتى قىزمەتىنە تولايىم تابىس, ال دوستاس قىتاي حالقىنا باق-بەرەكە تىلەدى.
