جۇمىس اياسىندا وتاندىق ماماندار قازاقستاننىڭ جول سالاسىنىڭ نورماتيۆتىك بازاسىن جەتىلدىرۋ جانە وڭتايلاندىرۋ, جاڭا تەحنولوگيالاردى ەنگىزۋ, جول قۇرىلىسىن تسيفرلاندىرۋ جانە قاۋىپسىزدىكتى قامتاماسىز ەتۋ تاجىريبەسىمەن بولىسەدى.
وتكەن جىلى پرەزيدەنتتىڭ تاپسىرماسىنا سايكەس جول سالاسىنىڭ نورماتيۆتىك-تەحنيكالىق بازاسىن رەفورمالاۋ جانە وڭتايلاندىرۋ جۇمىستارى باستاۋ العان بولاتىن. ول جۇمىستى قازاقستاندىق جول عىلىمي-زەرتتەۋ ينستيتۋتى (قازجولعزي) جۇزەگە اسىرىپ جاتقانى ءمالىم.
پاريجدەگى الاڭ ءبىزدىڭ ماماندار مەن عالىمدار ءۇشىن بىرەگەي بولىپ تابىلادى. سەبەبى ول الەمنىڭ 125 ەلىنەن جول سالاسىنىڭ جەتەكشى ماماندارىن جيناپ وتىر. بۇل ءبىزدىڭ عالىمدارىمىزعا سالالىق نورماتيۆتىك قۇجاتتامانى وزەكتەندىرۋدە, جولداردى كۇتىپ ۇستاۋدا جانە سالۋدا الەمدىك تاجىريبە مەن نورماتيۆتىك قۇجاتتارعا قول جەتكىزۋگە مۇمكىندىك بەرەدى.
