فوتو: ۆيدەودان سكرينشوت
مۇعالىم وقۋشىعا ەكى پاراق الۋدى بۇيىرعان. بىراق وقۋشى قولىندا ونداي پاراقتاردىڭ جوق ەكەنىن جەتكىزدى. «سەن مەنى تۇسىنبەدىڭ بە؟ قوس پاراق الاسىڭ با, جوق پا؟», دەگەن مۇعالىم وقۋشىعا ايقايلاپ, قول كوتەردى.
وبلىستىق ءبىلىم باسقارماسى بۇل وقيعا بويىنشا پوليتسيانىڭ تەرگەۋ جۇرگىزىپ جاتقانىن حابارلادى. مۇعالىمگە قاتاڭ سوگىس جاريالاندى.
پوليتسيا دەپارتامەنتىنىڭ ءباسپاسوز قىزمەتى وقيعانىڭ 25 قاڭتاردا بولعانىن اتاپ ءوتتى. ءتارتىپ ساقشىلارىنا 43 جاستاعى بالانىڭ اكەسى قوسوزەن اۋىلىنان حابارلاسقان.
«اتالعان فاكتىنى ۋچاسكەلىك پوليتسيا قىزمەتكەرى تىركەپ, ۇستازعا قاتىستى اكىمشىلىك حاتتاما تولتىرىلدى. سونداي-اق كامەلەتكە تولماعان بالانىڭ اتا-اناسىنىڭ ۋاجدەرى نەگىزىندە سوڭعى پروتسەسسۋالدىق شەشىم قابىلداۋ ءۇشىن ساراپتاما تاعايىندالدى», دەپ ءتۇسىندىردى ۆەدومستۆو وكىلدەرى.
ال جەلى قولدانۋشىلارى ۆيدەوعا قاتىستى ءتۇرلى پىكىرلەر قالدىرىپ جاتىر. كەيبىرەۋلەر مۇعالىمدى مۇنداي حالگە جەتكىزگەن بالانىڭ ءوزى كىنالى دەپ ساناسا, كەيبىرەۋلەرى نەندەي جاعداي بولسا دا ۇستاز ءوزىن-ءوزى باقىلاۋدا ۇستاپ تۇرۋى قاجەت ەكەنىن ايتتى.
