فوتو: polisia.kz
«5 اقپاندا استانانىڭ تەرگەۋ يزولياتورىندا جەدەل ءبولىمنىڭ قىزمەتكەرلەرى فرونت-وفيس كابينەتىندەگى بەينەباقىلاۋ ارقىلى قوعامدىق قورعاۋشىنىڭ ۇيالى تەلەفوندى, قۇلاققاپتى, ەكى SIM-كارتانى جانە قۋاتتاعىشتى سوتتالعانعا بەرۋ فاكتىسىن انىقتادى. سول كۇنى ماڭعىستاۋ وبلىسى بويىنشا قاجد №77 مەكەمەسىندە قىزمەتكەرلەر قوعامدىق قورعاۋشىنى تەكسەرگەن كەزدە اياق كيىمىنەن تەلەفون مەن SIM-كارتانى تاپتى. ەر ادام تەرگەۋ قاماۋىنا الىنعان تۋىسىنا «تىيىم سالىنعان زاتتى» بەرۋدى جوسپارلاعان. ءموبيلدى قۇرىلعىلار مەن باسقا دا زاتتار تاركىلەندى. قوعامدىق قورعاۋشىلارعا قاتىستى اكىمشىلىك ماتەريالدار جاسالدى. سونداي-اق سوتتالعانداردى تارتىپتىك جاۋاپكەرشىلىككە تارتۋ ءۇشىن ماتەريالدار تولتىرىلدى. قىلمىستىق-اتقارۋ جۇيەسى مەكەمەلەرىندە ۇستالاتىن ادامدارعا تىيىم سالىنعان زاتتار مەن بۇيىمداردى بەرگەنى ءۇشىن ەسكەرتۋ نەمەسە 10 اەك مولشەرىندە ايىپپۇل تۇرىندە اكىمشىلىك جاۋاپكەرشىلىك كوزدەلگەنىن اتاپ وتكەن ءجون. سونىمەن قاتار قىلمىستىق-پروتسەستىك زاڭناماعا سايكەس تەرگەۋشى «قوعامدىق قورعاۋشى» مارتەبەسىن الۋ تۋرالى قاۋلىنىڭ كۇشىن جويۋعا قۇقىلى», دەلىنگەن اقپاراتتا.
